ম্যানমাৰৰ বৰ ভূঁইকপঁত নিহত ১হাজাৰো অধিক! ভাৰত, চীন, ৰাছিয়াৰ লগতে কেইবাখনো দেশৰ সহায়ৰ হাত...

ডিজিটেল ডেস্কঃ ম্যানমাৰত এতিয়া চৌদিশে আতংক। তাচপাতৰ দৰে খহিঁ পৰা বৃহত অট্টালিকাবোৰৰ কাষে কাষে এতিয়াও বহু লোকৰ আৰ্তনাদ ম্যানমাৰ আৰু থাইলেণ্ডত। দৈনন্দিন ব্যস্ততাৰে চহৰবোৰত এতিয়া কেৱল নিস্তদ্ধতা।  যোৱা শুকুৰবাৰে ৩টাকৈ বৰভূইঁকপেঁ জোকাৰি যোৱাৰ পাছতো বিগত ২৪ঘন্টাত ম্যনমাৰত জোকাঁৰি গৈছে ১৫টাকৈ সৰু সৰু ভূমিকম্পই। অগা পিছাকৈ অহা এই ভূমিকম্পবোৰৰ প্ৰাৱল্য ৫তকৈ কম বুলি ৰিখটাৰ স্কেলত প্ৰকাশ পাইছে। 

 

উল্লেখ কৰা প্ৰয়োজন যে, এই ভূইকঁপৰ ফলত বহু অট্টালিকা খহিঁ পৰাৰ লগতে কিছু অট্টালিকাৰ কিছু ক্ষতি হৈছে। বেংককত প্ৰায়ত ২হাজাৰ অট্টালিকা হেলনীয়া হৈ পৰা বুলি সদৰি কৰিছে প্ৰশাসনে। ম্যানমাৰৰ লোকসকলক সহায়ৰ বাবে ভাৰত চৰকাৰে ইতিমধ্যে ব্যৱস্থা গ্ৰহণ কৰিছে। ভাৰতীয় বায়ুসেনাই প্ৰায় ১৫টন খাদ্য সামগ্ৰী লৈ শনিবাৰে পুৱাই উপস্থিত হৈছে ম্যানমাৰত। 

 

উল্লেখ কৰা প্ৰয়োজন যে, ভূমিকম্পই ম্যনমাৰ তচনচ কৰাৰ পাছত ম্যানমাৰ সেনাই বিভিন্ন দেশৰ পৰা সহায় বিচাৰিছিল। তাৰ পিছতে ভাৰতৰ লগতে চীন, ৰাছিয়া আৰু ছিংগাপুৰৰ দৰে দেশে উদ্ধাৰ অভিযানত সহায়ক হোৱাকৈ সেনা প্ৰেৰণ কৰিছিল। আমেৰিকাৰ ৰাষ্ট্ৰপতি ট্ৰাম্পেও ম্যানমাৰক সহায়ৰ প্ৰতিশ্ৰুতি প্ৰদান কৰিছে।

 উল্লেখ কৰা প্ৰয়োজন যে, এই ভূমিকম্পত এতিয়ালৈকে ম্যানমাৰ আৰু থাইলেণ্ডত ১হাজাৰো অধিক লোক নিহত হৈছে।  ইতিমধ্যেম ম্যানমাৰলৈ নিউজিলেণ্ডে  ২মিলিয়ন ডলাৰৰ সাহায্য পুঁজিৰ কথা ঘোষণা কৰিছে। ইয়াৰ বিপৰীতে দক্ষিণ কোৰিয়াইও ম্যনমাৰলৈ ২মিলিয়ন ডলাৰ সাহায্য পুজিঁৰ কথা ঘোষণা কৰিছে।