‘আপ'ৰ দ্বাদশ প্ৰতিষ্ঠা দিৱসৰ আয়োজন

ডিজিটেল সংবাদ, গুৱাহাটী : 'ইণ্ডিয়া ইগেইনষ্ট কপাৰচন'ৰ বেনাৰত জন্মগ্রহণ কৰা দল আম আদমি পাৰ্টীৰ দ্বাদশ প্রতিষ্ঠা দিৱসটি সমগ্ৰ দেশৰ লগতে অসমতো পালন কৰা হ’ব। এক বিবৃতিত উল্লেখ কৰা অনুসৰি অহা ২৬ নৱেম্বৰত গুৱাহাটীৰ লতাশিলস্থিত বিষ্ণু নিৰ্মলা ভৱনত আপ অসমে প্ৰতিষ্ঠা দিৱসৰ আয়োজন কৰা হৈছে। 

পুৱা ১০-০০ বজাৰ পৰা দিনজোৰা কাৰ্য্যসূচীৰে প্ৰতিষ্ঠা দিৱসটি অনুষ্ঠিত কৰা হ'ব। দলটোৰ ৰাজ্যিক সভাপতি মনোজ ধানোৱাৰে উক্ত দিনা সমূহ কার্যসূচীতে দলটোৰ কর্মকর্তা, বিষয়ববীয়া তথা শুভাকাংক্ষী ৰাইজৰ উপস্থিতি আৰু সহযোগিতা আন্তৰিকতাৰে কামনা কৰিছে। দলটোৰ প্ৰচাৰ সম্পাদক বিদ্যুৎ ৰঞ্জন দাসে এক বিবৃতিযোগে এই কথা প্ৰকাশ কৰে।