/asomiyapratidin/media/media_files/2025/07/26/1-2025-07-26-14-03-41.jpg)
ডিজিটেল সংবাদ, চিৰাং: বিজনীৰ পানবাৰী থানাৰ অন্তৰ্গত ৪ নং দৈলংঝাৰত আৰক্ষীৰ অভিযানত বুজন পৰিমাণৰ বন্যপ্ৰাণীৰ অংগ-প্ৰত্যংগ সহ এটা চোৰাং চিকাৰী গ্ৰেপ্তাৰ কৰে। আৰক্ষীয়ে গ্ৰেপ্তাৰ কৰা চোৰাং চিকাৰীটো ৪ নং দৈলংঝাৰ গাঁৱৰ কমল মণ্ডল (৪০)।
অভিযানকাৰী আৰক্ষীৰ দলে চিকাৰীটোৰ জিম্মাৰ পৰা ৩ টা বাঘৰ দাঁত, নখ ১০ টা, ১৪৪ টুকুৰা বাঘৰ হাৰ উদ্ধাৰ কৰাৰ লগতে এ এচ ২৬ বি ৭৬০৩ পঞ্জীয়নৰ এখন মটৰচাইকেল আৰু এটা OPPO মোবাইল হেণ্ডছেট জব্দ কৰে।
এক নিদিষ্ট গোপন সুত্ৰৰ তথ্যৰ ভিত্তিত শুকুৰবাৰে নিশা পানবাৰী থানাৰ আৰক্ষীয়ে অভিযান চলাই জব্দকৃত সামগ্ৰী সহ চোৰাং চিকাৰী কমল মণ্ডলক গ্ৰেপ্তাৰ কৰে। পিছত জব্দকৃত সামগ্ৰী সহ ধৃত চোৰাং চিকাৰী কমল মণ্ডলক আৰক্ষীয়ে পানবাৰী থানালৈ লৈ আহে। অধিক তথ্যৰ বাবে ধৃত চোৰাং চিকাৰী কমল মণ্ডলক তদন্ত অব্যাহত ৰাখিছে।