লাহোৱালত শোকাৱহ ঘটনা, গাড়ীৰ সৈতে দলঙৰ পৰা পৰি নিহত এজন...

ডিজিটেল ডেস্কঃ লাহোৱালত সোমবাৰে পুৱা সংঘটিত হয় এক ভয়ংকৰ পথ দুৰ্ঘটনা। টেঙাখাটৰ তামুলীখাটৰ এখন বিয়াৰ পৰা কন্যা থৈ উভতি আহোতে সংঘটিত হয় এই দুৰ্ঘটনাটো ।

সোমবাৰে পুৱা প্ৰায় ৪ বজাত কইনা থৈ ঘূৰি আহোতে দূৰ্ভাগ্যবশত ভীৰ্জা মাৰুতী বাহনখন চেচা দলঙৰ পৰা নদীত পৰে । গাড়ীখনত ৫ জন ব্যক্তি আছিল যদিও চাৰিজনে গাড়ীৰ গ্লাচ ভাঙি কোনোমতে পানীৰ পৰা ওলাই আহিবলৈ সক্ষম হৈছিল । কিন্তু গাড়ীৰ ভিতৰৰ পৰা ওলাবলৈ সক্ষম নহ'ল এজন ব্যক্তি ।

পৰৱৰ্তী সময়ত স্থানীয় ব্যক্তি দুৰ্ঘটনাস্থলীত উপস্থিত হৈ গাড়ীখনৰ পৰা লোকজনৰ মৃতদেহ উদ্ধাৰ কৰে। মৃত লোকজন কইনাৰ সম্বন্ধীয় ভায়েক আছিল । অন্যহাতেদি চাৰিজনক সংকটজনক অৱস্থাত ৰাইজৰ তৎপৰতাত অসম চিকিৎসা মহাবিদ্যালয়লৈ প্ৰেৰণ কৰা হয় ।

গাড়ী খনত আৱদ্ধ হৈ মৃত্য হোৱা যুৱকজন ঈশান গগৈ বুলি জানিব পৰা গৈছে ।  লাহোৱাল আৰক্ষী আৰু ঘোৰামৰা আৰক্ষী উপস্থিত হৈ তদন্ত আৰম্ভ কৰিছে উক্ত ঘটনাৰ ।