/asomiyapratidin/media/media_files/2025/01/14/sS0uWD4QigtDjkrN85MT.jpg)
ডিজিটেল সংবাদ,জামুগুৰিহাটঃ ভোগালী বিহুৰ উলহ মালহৰ মাজতে ৰঙাপৰাত মঙলবাৰে নিশা সংঘটিত হয় এক ভয়ংকৰ পথ দুৰ্ঘটনা ৷ ফলত এজন লোক থিতাতে নিহত হোৱাৰ লগতে এজন গুৰুতৰভাবে আহত হয় ৷
ৰঙাপৰাৰ হাতীবাৰী চাহ বাগিচাৰ সন্মুখত সংঘটিত হয় পথ দুৰ্ঘটনাটি ৷ দুৰ্ঘটনাটোত নিহত লোক জনৰ নাম ৰাম দয়াল মাহতো ৷
আনহাতে উক্ত দুৰ্ঘটনাটোত আহত হোৱা লোকজনৰ নাম গবিন পাইক ৷ দুয়োজনৰ ঘৰ ফুলবাৰী চাহ বাগিচাত ৷ অচিনাক্ত বাহনে খন্দিয়াই যোৱাৰ ফলত সংঘটিত হয় পথ দুৰ্ঘটনাটি ৷ গুৰুতৰভাৱে আহত গবিন পাইকক অতিমধ্যে সংকটজনক অৱস্থাত উন্নত চিকিৎসাৰ বাবে তেজপুৰ চিকিৎসা মহাবিদ্যালয়লৈ প্ৰেৰণ কৰিছে