দৰং জিলা সাহিত্য সভাৰ ৫৩ সংখ্যক প্ৰতিষ্ঠা দিৱস

ডিজিটেল সংবাদ, মঙলদৈঃ "অসমীয়া মানুহেই অসমীয়া ভাষা শুদ্ধ ভাৱে প্ৰয়োগ নকৰে ৷ ইয়াৰ অন্য এটা অৱক্ষয়ৰ কাৰণ সামাজিক মাধ্যম ৷" চৰকাৰে নিদিষ্ট আইনৰ জৰিয়তে সামাজিক মাধ্যমত অসমীয়া ভাষাৰ অৱক্ষয়ৰ ৰোধ কৰিবলৈ আহ্বান জনালে অসম সাহিত্য সভাৰ সভাপতি ড: বসন্ত কুমাৰ গোস্বামীয়ে৷

সোমবাৰে দৰং জিলা সাহিত্য সভাৰ ৫৩ সংখ্যক প্ৰতিষ্ঠা দিৱসত মূখ্য অতিথি হিচাপে উপস্থিত থাকি এইদৰে বক্তব্য প্ৰকাশ কৰে অসম সাহিত্য সভাৰ সভাপতি ডঃ বসন্ত কুমাৰ গোস্বামীয়ে ৷ প্ৰতিস্থা দিৱসত কেইবাখনো গ্ৰন্থ উন্মোচন কৰে সভাপতিগৰাকীয়ে। এই অনুষ্ঠানত জিলাখনৰ সাহিত্য সভাৰ লগত জড়িত তিনি শতাধিক লোকে অংশগ্ৰহণ কৰে।