কোন ৩খন দেশৰ পৰা সমৰ্থন পাইছে পাকিস্তানে?

ডিজিটেল ডেস্কঃ   ভাৰতৰ সৈতে উত্তেজনাৰ মাজতে ৩খন দেশে ইছলামবাদক সমৰ্থন কৰা বুলি দাবী কৰিছে পাকিস্তানে। চীন আৰু তুৰস্কৰ পিছত আজাৰবাইজানেও পাকিস্তানক সমৰ্থন কৰাৰ কথা ঘোষণা কৰিছে। 

ইৰাণ আৰু চৌদি আৰবে দুয়োখন দেশৰ নেতাৰ সৈতে উত্তেজনা হ্ৰাস কৰাৰ বাবে আলোচনাত মিলিত হৈছে যদিও চীন আৰু তুৰস্ক সম্পৰ্কীয় বাতৰি অনুসৰি তেওঁলোকে পাকিস্তানক মাৰাত্মক অস্ত্ৰ প্ৰদান কৰিছে। ইছলামবাদলৈ অস্ত্ৰ যোগান ধৰাৰ উপৰিও চীনে দেওবাৰে ঘোষণা কৰে যে পাকিস্তানক “সাৰ্বভৌমত্ব আৰু নিৰাপত্তা স্বাৰ্থ ৰক্ষা কৰাত” দেশখনে সহায় কৰিব।

 চীনৰ বৈদেশিক মন্ত্ৰালয়ে উল্লেখ কৰিছে যে “এই সংঘাত ভাৰত আৰু পাকিস্তানৰ মৌলিক স্বাৰ্থত নহয়, আঞ্চলিক শান্তি আৰু স্থিতিশীলতাৰ বাবেও অনুকূল। আশা কৰা হৈছে যে দুয়োপক্ষই সংযম প্ৰয়োগ কৰিব, একেলগে কাম কৰিব, পৰিস্থিতি শান্ত কৰাত সহায় কৰিব।” ইফালে পাকিস্তানী সাংবাদিকসকলে দাবী কৰিছে যে আজাৰবাইজানেও পাকিস্তানক সমৰ্থন কৰাৰ কথা ঘোষণা কৰিছে।

উল্লেখ্য যে, ২২ এপ্ৰিলত পেহেলগামত সংঘটিত সন্ত্ৰাসবাদী আক্ৰমণৰ পিছত বৰ্তমান ভাৰত আৰু পাকিস্তানৰ মাজত যুদ্ধ সদৃশ পৰিৱেশ।