নিচামুক্ত অসম গঢ়ি তোলাৰ মানসেৰে ৩যুৱকৰ ব্যতিক্ৰমী পদক্ষেপ

ডিজিটেল ডেস্কঃ সোমবাৰে পুৱাই শিৱসাগৰ হাঁহচৰা লেবাং চাউলকৰা গাঁৱৰ পৰা তিনিজন যুৱকে চাইকেলেৰে যাত্ৰা কৰিছে সুদূৰ কেদাৰনাথলৈ৷  লেবাং চাউলকৰা গাঁৱৰ ভাৰ্গৱ গগৈ, মৰাণ খোৱাঙৰ মোহিন পাহাৰীয়া, লখিমপুৰ বছাগাঁৱৰ কুসুম্বৰ কুমাৰ দাসে আৰম্ভ কৰিছে এই যাত্ৰা ৷

এখন নিচামুক্ত অসম গঢ়ি তোলাৰ মানসেৰে এই তিনি যুৱকে চাইকেলেৰে যাত্ৰা কৰিছে কেদাৰনাথলৈ৷ ইয়াৰ উপৰিও চাইকেল যাত্ৰা কৰি যে নিজৰ স্বাস্থ্য সযতনে ৰাখিব পাৰি সেই উদ্দেশ্যও আগত ৰাখি মাৰ বান্ধি থিয় হৈছে এই তিনিযুৱক৷ প্ৰতিদিনে ১৮০কিলোমিটাৰ চাইকেলেৰে যাত্ৰা কৰিব এই তিনি যুৱকে৷

উল্লেখযোগ্য যে, মুঠতে ৭০০০কিলোমিটাৰ অহা-যোৱা কৰিব এই তিনিজন যুৱকে ৷ যুৱক কেইজনক অহাযোৱা কৰোঁতে সময় লাগিব প্ৰায় ডেৰমাহ৷