পেহেলগাম কাণ্ডক সমৰ্থন কৰি ৰঙাঘৰৰ আলহী হ'ল উত্তৰ-পূবৰ ২২ জন

ডিজিটেল ডেস্কঃ  পেহেলগাম সন্ত্ৰাসবাদী আক্ৰমণৰ পৰিপ্ৰেক্ষিতত সামাজিক মাধ্যমত জাতীয় বিৰোধী মন্তব্যৰ অভিযোগত উত্তৰ-পূবৰ ৰাজ্যসমূহৰ আৰক্ষীয়ে ২২জন লোকক গ্ৰেপ্তাৰ কৰিছে। ইয়াৰে অল ইণ্ডিয়া ইউনাইটেড ডেম’ক্ৰেটিক ফ্ৰণ্টৰ বিধায়ক আমিনুল ইছলামকে ধৰি ১৭ জন লোক কেৱল অসমৰ।

আনহাতে ৪জন ত্ৰিপুৰাৰ আৰু এজন মেঘালয়ৰ। ইফালে উত্তৰ-পূবৰ বিভিন্ন স্থানৰ পৰা সোধা-পোছাৰ বাবে আটক কৰা কেইজনমান লোকক ইতিমধ্যে মুকলি কৰি দিয়া হৈছে।

ৰাজ্যত গ্ৰেপ্তাৰ হোৱা ৩জনক দেওবাৰে গোলাঘাটৰ দধিচি ডিম্পল ওৰফে ডিম্পল বৰা, তামুলপুৰৰ পৰা তাহিব আলী আৰু উদালগুৰিৰ বিমল মাহাটো বুলি চিনাক্ত কৰা বুলি জানিব দিছে অসমৰ মুখ্যমন্ত্ৰী হিমন্ত বিশ্ব শৰ্মাই।