পাটাছাৰকুছিৰ নিউ ভিছন স্কুলৰ দশম প্ৰতিষ্ঠা দিৱস উদযাপন

ডিজিটেল সংবাদ, পাটাছাৰকুছি : বজালী জিলাৰ অন্তৰ্গত পাটাছাৰকুছিত অৱস্থিত ব্যক্তিগত খণ্ডৰ ইংৰাজী মাধ্যমৰ বিদ্যালয় নিউ ভিছন স্কুলৰ দশম বাৰ্ষিক প্ৰতিষ্ঠা দিৱস আৰু বাৰ্ষিক খেল ধেমালিৰ বঁটা বিতৰণী অনুষ্ঠান দিনজোৰা কাৰ্যসূচীৰে পালন কৰা হয় ৷ পুৱাৰ ভাগত বিদ্যালয় প্ৰাংগনত বিদ্যালয়ৰ পতাকা উত্তোলন কৰে প্ৰধান শিক্ষয়িত্ৰী মিত্তাল লামা ৰাজবংশীয়ে।  

ইয়াৰ পাছতে সামূহিক গছপুলি ৰোপণ আৰু এটি আকৰ্ষণীয় সাংস্কৃতিক শোভাযাত্ৰা উলিয়াই পাটাছাৰকুছি নগৰত পৰিভ্ৰমণ কৰা হয় ৷ সন্ধিয়া বঁটা বিতৰণী আৰু সাংস্কৃতিক অনুষ্ঠানৰ আয়োজন কৰা হয় ৷ 

সন্ধিয়া বন্তি প্ৰজ্বলন কৰে প্ৰধান শিক্ষয়িত্ৰী মিত্তাল লামা ৰাজবংশীয়ে৷ অনুষ্ঠানত স্কুলৰ শুভাকাংক্ষী তথা লণ্ডন নিবাসী শ্বিতল লামা আৰু আমৰিনা লামা উপস্থিত থাকে৷ উল্লেখ্য যে সাংস্কৃতিক অনুষ্ঠানৰ পূৰ্বে ছাত্ৰ-ছাত্ৰীসকলৰ মাজত বঁটা বিতৰণ কৰা হয় ৷ বঁটাসমূহ বিতৰণ কৰে স্থানীয় সাংবাদিক নৱকান্ত কলিতা আৰু অৱসৰী শিক্ষক সমাজকৰ্মী নলিনী কুমাৰ শৰ্মাই ৷