ডিজিটেল ডেস্ক: শৰীৰটোক স্বাস্থ্যৱান কৰি ৰাখিবলৈ ভিটামিন ডিৰ প্ৰয়োজনীয়তা অপৰিসীম। ভিটামিন ডিয়ে ৰোগ প্ৰতিৰোধ ক্ষমতা বৃদ্ধি কৰি আমাক বহু ৰোগৰ পৰা আঁতৰাই ৰাখে। পেশী আৰু দাঁত শক্তিশালী কৰাৰ বাবেও ভিটামিন ডি অতি প্ৰয়োজনীয় বুলি বিবেচনা কৰা হয়। পৰিসংখ্যা অনুসৰি, ভাৰতত প্ৰায় ৭০ৰ পৰা ৯০ শতাংশ লোক ভিটামিন ডিৰ অভাৱত ভুক্তভোগী।ইয়াৰ লক্ষণসমূহ সঠিককৈ চিনি নোপাৱাৰ ফলত অথবা লক্ষণৰ অভাৱৰ বাবে আপুনি-মই সকলো এই ৰোগৰ ভুক্তভোগী হ'ব পাৰো। গতিকে আজি আমি ইয়াৰ লক্ষণ, কাৰণ আৰু কোনবোৰ খাদ্যৰ জৰিয়তে এই ভিটামিনৰ অভাৱ পূৰণ কৰিব পাৰি, সেই বিষয়ে জানো আহক-
ভিটামিন ডিৰ অভাৱ কিয় হয়?
শৰীৰত ভিটামিন ডিৰ অভাৱৰ কাৰণ হৈছে যে আপোনাৰ শৰীৰত এই নিৰ্দিষ্ট ভিটামিনৰ পৰিমাণ অতি কম। মানৱ শৰীৰে সূৰ্যৰ পোহৰৰ সংস্পৰ্শলৈ আহি ভিটামিন ডি প্ৰস্তুত কৰে। কিন্তু আজিৰ ব্যস্ত জীৱনশৈলীৰ তাগিদাত পৰি পৰ্যাপ্ত সূৰ্যৰ পোহৰ আমাৰ শৰীৰটোত নপৰাৰ বাবে এই ভিটামিনৰ অভাৱ হ'ব পাৰে।
লক্ষণ
সকলো সময়তে ভাগৰি পৰা
যেতিয়া শৰীৰত ভিটামিন ডি ৰ অভাৱ হয়, সকলো সময়তে ভাগৰ ভাগৰ অনুভৱ কৰা হয়। যদি আপুনি ৭-৮ ঘণ্টা টোপনি সম্পূৰ্ণ কৰাৰ পিছতো শৰীৰত ভাগৰ অনুভৱ কৰে, তেনেহ'লে ই ভিটামিন ডিৰ অভাৱৰ লক্ষণ হ'ব পাৰে।
হাড় দুৰ্বল হোৱা
এই ভিটামিনৰ অভাৱ হ'লে হাড় দুৰ্বল হ'বলৈ আৰম্ভ কৰে। সৰু আঘাতত হাড় ভঙাৰ আশংকা থাকে। কঁকাল তথা শৰীৰৰ কোনো কোনো ঠাইত সকলো সময়তে বিষ হয়।
বাৰে বাৰে অসুস্থ হৈ পৰা
যদি আপুনি বাৰে বাৰে অসুস্থ হৈ পৰিছে বা আপোনাৰ চৰ্দি আৰু কাহ হৈছে, তেনেহ'লে শৰীৰত ভিটামিন ডিৰ অভাৱ হ'ব পাৰে। এই ভিটামিনৰ অভাৱৰ বাবে শৰীৰৰ ৰোগ প্ৰতিৰোধ ক্ষমতা দুৰ্বল হ'বলৈ আৰম্ভ কৰে, যাৰ ফলত আপুনি অসুস্থ হ'ব পাৰে।
হতাশা
সকলো সময়তে চাপ, নিৰাশা আৰু উদ্বেগ অনুভৱ কৰাটোও ভিটামিন ডিৰ অভাৱৰ লক্ষণ। হতাশাগ্ৰস্ত অনুভৱ কৰা, তেজৰ অভাৱো ভিটামিন ডিৰ অভাৱৰ লক্ষণ।
চুলি সৰা
শৰীৰত পুষ্টিৰ অভাৱৰ বাবে ভিটামিন ডিৰ অভাৱ হ'ব পাৰে। চুলি সৰা শৰীৰত ভিটামিন ডিৰ অভাৱৰ আন এক লক্ষণ।ভিটামিন ডিয়ে চুলিৰ ফলিকল বৃদ্ধি কৰে।ফলিকলৰ অভাৱতে চুলি সৰা আৰম্ভ হয়।
ছালত প্ৰভাৱ
এই ভিটামিনৰ অভাৱৰ বাবে ছাল শুকান আৰু ৰঙা হ'বলৈ আৰম্ভ কৰে। ইয়াৰ বাহিৰেও কেতিয়াবা যথেষ্ট খজুৱতি আৰু শালমইনাও হয়। ভিটামিন ডিৰ অভাৱ হ'লে বয়স বৃদ্ধিৰ সমস্যাও আৰম্ভ হয়।
কোনবোৰ খাদ্যই ভিটামিন ডিৰ অভাৱ পূৰণ কৰিব ?
দৈ
দৈত কেলচিয়াম আৰু ভিটামিন ডি অতি ভাল মাত্ৰাত পোৱা যায়। দৈ খালে শৰীৰটো ভিতৰৰ পৰা শীতল হৈ থাকে আৰু শৰীৰ ‘হাইড্ৰেটেড’ হৈ থাকে।সেয়ে দৈক আপোনাৰ আহাৰত অন্তৰ্ভূক্ত কৰি আপুনি ভিটামিন ডিৰ অভাৱ পূৰণ কৰিব পাৰে।
গাখীৰ
গাখীৰত যথেষ্ট পৰিমাণৰ কেলচিয়াম আৰু ভিটামিন ডি থাকে। গাখীৰক ‘সম্পূৰ্ণ আহাৰ’ বুলি গণ্য কৰা হয়। ইয়াত প্ৰ'টিন, চৰ্বি আৰু ভাল কাৰ্ব আদিৰ দৰে বিভিন্ন পুষ্টি থাকে । এনে পৰিস্থিতিত যদি আপোনাৰ শৰীৰত ভিটামিন ডিৰ অভাৱ থাকে, তেন্তে আপুনি গাখীৰ খোৱা আৰম্ভ কৰিব।
কাঠফুলা
কাঠফুলাত ভিটামিন ডি অতি ভাল পৰিমাণত পোৱা যায়। কাঠফুলা খাই আপুনি শৰীৰৰ পৰা ভিটামিন ডিৰ অভাৱ পূৰণ কৰিব পাৰে। আপুনি ইয়াক চুপ, ভাজি বা চালাডৰ ৰূপত গ্ৰহণ কৰিব পাৰে। কাঠফুলাৰ যথেষ্ট সোৱাদো আছে।
কমলা ৰস
ভিটামিন ডি কমলা ৰসত যথেষ্ট পৰিমাণে পোৱা যায়। এগিলাচ কমলা ৰস খাই, আপুনি শৰীৰত ভিটামিন ডিৰ অভাৱ পূৰণ কৰিব পাৰে। তদুপৰি ই ৰোগ প্ৰতিৰোধ ক্ষমতা শক্তিশালী কৰাত সহায় কৰে।
কটেজ চীজ
চীজক ভিটামিন ডিৰ এক অতি ভাল উৎস বুলি গণ্য কৰা হয়। ই ছাল আৰু মগজুৰ বাবে অতি উপকাৰী। ইয়াক আপোনাৰ আহাৰৰ অংশ কৰি আপুনি শৰীৰৰ পৰা ভিটামিন ডিৰ অভাৱ পূৰণ কৰিব পাৰে।
