ভিটামিন-এৰ অভাৱ পূৰণৰ বাবে সন্তানক কি খাদ্য দিব লাগে জানেনে ?

ডিজিটেল ডেস্ক: পৰিৱৰ্তনশীল সময়ৰ সৈতে ফেৰ মাৰিবলৈ আজিকালিৰ শিশুৱে কম বয়সতে বহুতো কাৰ্যকলাপ কৰিব লগীয়া হয়। অধ্যয়নৰ পৰা ক্ৰীড়া তথা প্ৰযুক্তিলৈকে, সকলো ক্ষেত্ৰতে  শিশুসকলক আগবাঢ়ি যোৱাটো বিচাৰে অভিভাৱকসকলে। অৱশ্যে এই সকলোবোৰতে আগবাঢ়ি থাকিবলৈ শিশুসকলক সঠিক পুষ্টিৰ লগতে বিপাক বৃদ্ধি কৰা খাদ্য খুওৱাটোও অভিভাৱকৰ দায়িত্ব। শাৰীৰিক আৰু মানসিক কাৰ্যকলাপৰ বাবে সঠিক পুষ্টি অতি গুৰুত্বপূৰ্ণ।এই পুষ্টিবোৰৰ ভিতৰত এক অন্যতম হৈছে ভিটামিন-এ। ভিটামিন এ-য়ে শিশুসকলক ৰোগ প্ৰতিৰোধ ক্ষমতা শক্তিশালী কৰাত সহায় কৰে। ভিটামিন-এ শিশুৰ কোষ মেৰামতি তথা পুনৰ গঠন কৰাতো যথেষ্ট সহায়ক। আজি এই বিষয়ে জানো আহক-

ভিটামিন এ-ৰ লাভালাভ

.  শিশুৰ ৰোগ প্ৰতিৰোধ প্ৰণালী শক্তিশালী কৰাত ভিটামিন-এ যথেষ্ট লাভজনক।

. শৰীৰৰ কোষ আৰু কোষকলাৰ বিকাশ আৰু গঠনৰ বাবেও ভিটামিন-এ অতি গুৰুত্বপূৰ্ণ। 

. শিশুৰ ৰেটিনা বিকাশত ভিটামিন-এ-য়ে এক অতি গুৰুত্বপূৰ্ণ ভূমিকা পালন কৰে। দৃষ্টিশক্তি বৃদ্ধি 

কৰাতো এই ভিটামিন খুবেই সহায়ক।

. ই শিশুৰ আভ্যন্তৰীণ প্ৰক্ৰিয়াবোৰ দ্ৰুত কৰে আৰু আঘাত দ্ৰুতভাৱে আৰোগ্য কৰাত সহায় কৰে। 

. ই হাড় আৰু দাঁতৰ বিকাশতো সহায় কৰে। 

এইসমূহ খাদ্য খুৱাব

. শিশুৰ শৰীৰৰ পৰা ভিটামিন-এ-ৰ অভাৱ পূৰণ কৰিবলৈ আপুনি তেওঁলোকক সেউজীয়া শাক-পাচলি খুৱাব পাৰে। সেউজীয়া শাক-পাচলি ভিটামিন-এৰ অতি ভাল উৎস।তদুপৰি,  আপুনি তেওঁলোকক ৰঙা বা কমলা ৰঙৰ ফলো খাবলৈ দিব পাৰে। 

. গাজৰত যথেষ্ট পৰিমাণে ভিটামিন-এ থাকে।তদুপৰি, ইয়াত পোৱা বিটা-কেৰোটিনো অতি লাভজনক। আপুনি শিশুসকলক চালাড বা আন উপায়েৰেও গাজৰ খুৱাব পাৰে। 

. ভিটামিন-এ-ৰ অভাৱ পূৰণ কৰিবলৈ, আপুনি শিশুক গাখীৰ দিব লাগিব। গাখীৰ বা ইয়াৰ পৰা তৈয়াৰ কৰা চীজ আৰু দৈ তথা কণীও শিশুৰ বাবে অতি উপকাৰী। যদি শিশুৱে আমিষ খায়, আপুনি তেওঁলোকক মাছ বা কড লিভাৰ অইলও খুৱাব পাৰে। ই তেওঁলোকৰ শৰীৰক বহুতো পুষ্টি প্ৰদান কৰিব।

Also Read: শিশুৰ উচ্চতা বঢ়াবলৈ খাদ্য তালিকাত অন্তৰ্ভূক্ত কৰক এইসমূহ খাদ্য