শীতকালছোৱাত এইদৰে লওঁক শিশুৰ যতন

শীতকালছোৱাত এইদৰে লওঁক শিশুৰ যতন

ডিজিটেল ডেস্ক: শীতকালছোৱাত শিশুসকলৰ সঠিক যত্ন লোৱাৰ খুবেই প্ৰয়োজন। পিতৃ-মাতৃৰ সৰু সৰু ভুলৰ প্ৰভাৱ শিশুৰ স্বাস্থ্যত পৰিব পাৰে। এই ঋতুত শিশুৰ শৰীৰৰ সঠিক তাপমাত্ৰা বজাই ৰখাৰ ক্ষেত্ৰত অভিভাৱকসকল সচেতন হ'ব লাগে। বিশেষকৈ নতুন অভিভাৱকসকলে শিশুৰ স্বাস্থ্যৰ দিশটোত চকু দিওঁতে কিছু অসুবিধাৰ সন্মুখীন হয়। এই ঋতুত অভিভাৱকসকলে কেনেদৰে তেওঁলোকৰ সন্তানৰ স্বাস্থ্যৰ যত্ন ল'ব লাগে, আজি জানো আহক-

অত্যাধিক কাপোৰ নিপিন্ধাব

কিছুমান অভিভাৱকে শিশুৰ গাত ঠাণ্ডা নালাগিবলৈ বহুত কাপোৰ পিন্ধাই দিয়ে। কিন্তু প্ৰকৃততে অধিক কাপোৰ পিন্ধোৱাৰ ফলত শিশুৰ শ্বাসৰুদ্ধ হ'ব পাৰে। বিশেষজ্ঞসকলৰ মতে, শিশুক সদায় পাতল গৰম কাপোৰ পিন্ধাব লাগে।তিনি-চাৰিটা গৰম কাপোৰ একেলগে কেতিয়াও পিন্ধাব নালাগে।

ময়েশ্চাৰাইজাৰ প্ৰয়োগ কৰিব

শীতকালত শিশুৰ গাটো ভালকৈ পৰিস্কাৰ কৰি ছালখন আৰ্দ্ৰ কৰিবলৈ নাপাহৰিব। ইয়াৰ বাবে আপুনি ময়েশ্চাৰাইজাৰ প্ৰয়োগ কৰিব। ই ছাল কোমল তথা শুষ্কতাৰ ফলত হোৱা ছালৰ সমস্যা আঁতৰ কৰে। 

শৰীৰৰ তাপমাত্ৰাৰ প্ৰতি মন কৰিব 

শীতকালত অভিভাৱকসকলে তেওঁলোকৰ সন্তানৰ শৰীৰৰ তাপমাত্ৰাৰ প্ৰতিও মন দিব লাগে। সময়ে সময়ে তেওঁলোকৰ হাতৰ তলুৱা আৰু ভৰিৰ তলুৱা স্পৰ্শ কৰি থাকিব, যাতে অত্যাধিক গৰম বা ঠাণ্ডা নহয়। ভৰিৰ তলুৱা অত্যাধিক ঠাণ্ডা হ'লে শিশুৰ চৰ্দি হ'ব পাৰে। একে সময়তে, অত্যাধিক গৰম হাতৰ তলুৱাই শিশুৰ বাবে সমস্যাৰ সৃষ্টি কৰিব পাৰে। 

গাত অলপ বতাহ লাগিবলৈ দিব

শীতকালত অত্যাধিক কাপোৰ পিন্ধাৰ ফলত শিশুৰ শৰীৰ গৰম হৈ পৰে। যাৰ ফলত তেওঁলোকে কান্দে আৰু বহু সময়ত তেওঁলোকৰ ছাল ৰঙা হৈ পৰে। তেওঁলোকৰ এই অৱস্থাক জ্বৰ বুলি ভাবি ভুল নকৰিব।এনে হ’লে শিশুটোৰ শৰীৰৰ পৰা কাপোৰৰ কিছুমান স্তৰ হ্ৰাস কৰিব আৰু তেওঁলোকৰ শৰীৰত অলপ বতাহ লাগিবলৈ দিব। 

এই বিষয়েও মনত ৰাখিব

উলৰ কাপোৰৰ ফলত শিশুৰ ছালত এলাৰ্জি হ'ব পাৰে। সেয়েহে সদায়, কপাহী কাপোৰৰ ওপৰতহে তেওঁলোকক উলৰ কাপোৰ পিন্ধাব।

শীতকালছোৱাত এইদৰে লওঁক শিশুৰ যতন
এইদৰে লওক শিশুটিৰ চুলিৰ যতন

Related Stories

No stories found.
Code:
logo
Asomiya Pratidin
www.asomiyapratidin.in