ডিজিটেল ডেস্ক: কফিয়ে শৰীৰক শক্তি যোগান ধৰে।যাৰ বাবে বেছিভাগ লোকেই তেওঁলোকৰ কামৰ ক্লান্তি দূৰ কৰিবলৈ কফি খায়। কিন্তু অত্যাধিক কফি সেৱনে আপোনাক স্বাস্থ্যক উপকৃত কৰাৰ পৰিৱৰ্তে ক্ষতি কৰিব পাৰে। কফিয়ে শৰীৰৰ বহু অংগক প্ৰভাৱিত কৰে। সেয়েহে, কফি সদায় সীমিত পৰিমাণত খাব লাগে।অত্যাধিক কফি খালে স্বাস্থ্যৰ কিদৰে ক্ষতি হ’ব পাৰে আজি সেই বিষয়ে জানো আহক-
ৰক্তচাপ বৃদ্ধি
উচ্চ ৰক্তচাপ থকা লোকসকলৰ বাবে দৈনিক কফি খোৱাটো বিপদজনক হ'ব পাৰে। কিয়নো যদি আপুনি অধিক পৰিমাণে কফি খায়, তেন্তে ই আপোনাৰ ৰক্তচাপ বৃদ্ধি কৰাত অৰিহনা যোগায়। ই হৃদযন্ত্ৰৰ বাবেও ক্ষতিকাৰক।
পেটৰ বাবে ক্ষতিকাৰক
সম্প্ৰতি কফি খোৱাটো বেছিভাগ লোকৰে এক অভ্যাসত পৰিণত হৈছে। কিন্তু অত্যাধিক কফি খোৱাৰ ফলত আপোনাৰ পেটৰ বহুতো সমস্যা হ'ব পাৰে। প্ৰকৃততে কফি খোৱাৰ বাবে পাকস্থলীত গেষ্ট্ৰিক হৰমনৰ পৰিমাণ বৃদ্ধি হয়। যাৰ ফলত গেছ, এচিডিটি, ডায়েৰিয়া আদি ৰোগৰ সম্ভাৱনা বৃদ্ধি হয়।
টোপনিৰ সমস্যা
যিসকল লোকৰ টোপনিৰ সমস্যা আছে, তেওঁলোকে একেবাৰেই কফি খাব নালাগে। কফিত থকা কেফেইনে টোপনি হ্ৰাস কৰে। সেয়েহে, যদি আপুনি ইতিমধ্যে অনিদ্ৰাৰ সৈতে যুঁজি আছে, তেনেহ'লে কফিয়ে আপোনাৰ ওপৰত আৰু অধিক বেয়া প্ৰভাৱ পেলাব পাৰে।
হাড়ৰ বাবে ক্ষতিকাৰক
দৈনিক কফি খালে আপোনাৰ শৰীৰৰ হাড় দুৰ্বল হয়। তদুপৰি ই অষ্টিওপোৰোচিছৰ আশংকা বৃদ্ধি কৰে।উল্লেখ্য, অষ্টিওপোৰোচিছ হৈছে এবিধ হাড়ৰ ৰোগ।
চিকিৎসকে কি কয় ?
একাংশ প্ৰখ্যাত আয়ুৰ্বেদিক চিকিৎসকৰ মতে, যদি আপুনি ভাগৰুৱা আৰু আপোনাক টোপনিৰ প্ৰয়োজন, তেন্তে কেতিয়াও ৰাতি কফি নাখাব। কিয়নো ইয়াত থকা কেফেইনে আপোনাৰ টোপনি আৰু পাচন তন্ত্ৰ দুয়োটাই নষ্ট কৰিব পাৰে।সেয়েহে সাৱধান হওঁক।
