ডিজিটেল সংবাদ, গুৱাহাটী : উন্নত শিক্ষা ব্যৱস্থাই হৈছে প্ৰগতিশীল দেশৰ মূল মন্ত্ৰ। এই বাণীকেই আগত ৰাখি অসমৰ আঠটা ছাত্ৰ সংগঠন একত্ৰিত হৈ "শিক্ষা অধিকাৰ সুৰক্ষা মঞ্চ অসম" নামৰ এখন মঞ্চ তৈয়াৰ হৈছিল। য'ত "আম আদমি পাৰ্টী"ৰ ভাতৃ সংগঠন চি ওৱাই চি চি অসমৰো সহযোগী হয়।
শুকুৰবাৰে এই আঠটা সংগঠনৰ নেতৃত্বৰ লগতে চি ওৱাই চি চিৰ সমূহ ৰাজ্যিক নেতৃত্বৰ উপস্থিতিত গুৱাহাটী চচলত "ছেবা ৰক্ষা সংকল্প" নামেৰে এক অৱস্থান ধৰ্মঘট প্ৰতিবাদী কাৰ্যসূচী গ্ৰহণ কৰা হয়। ছেবা ৰক্ষা কৰক, শিক্ষা মন্ত্ৰী-ছেবাৰ পৰীক্ষা নিয়ন্ত্ৰকে পদত্যাগ কৰক আদি শ্লো'গানেৰে উত্তাল প্ৰতিবাদ সাব্যস্ত কৰে।
