ডিজিটেল সংবাদ, পলাশবাৰীঃ বৰঝাৰস্থিত লোকপ্ৰিয় গোপীনাথ বৰদলৈ আন্তঃৰাষ্ট্ৰীয় বিমানকোঠত, যাত্ৰীসকল গন্তব্যস্থানলৈ নিৰাপদে যোৱাৰ সুবিধাৰ্থে বুধবাৰে এটা বিশেষ প্ৰিমিয়াম কেব সেৱাৰ উদ্বোধন কৰা হয় ।
এই সেৱাৰ দ্বাৰা বিমানকোঠলৈ অহা অকলশৰীয়া মহিলা বা প্ৰথমবাৰৰ বাবে অহা যাত্ৰীসকল বিশেষভাৱে উপকৃত হব । বৰ্তমান এই সেৱাৰ বাবে বিমানকোঠত আগমন কক্ষৰ ভিতৰত আৰু বাহিৰত দুখনকৈ টিকেট কাউন্টাৰ উপলব্ধ ।
এই সেৱা সপ্তাহৰ ৭ দিনেই আৰু দৈনিক ২৪ ঘন্টাই উপলব্ধ থাকিব । উল্লেখযোগ্য যে, এই সেৱাৰ উদ্বোধন কৰে মুখ্য বিমানকোঠ বিষয়া উৎপল বৰুৱাই।
