Advantage Assam 2.0: মোডীয়ে ক'লে ইতিহাস সাক্ষী, ভাৰতৰ সমৃদ্ধিত গুৰুত্বপূৰ্ণ ভূমিকা লৈছে উত্তৰ পূবে

ডিজিটেল ডেস্কঃ প্ৰধানমন্ত্ৰী নৰেন্দ্ৰ মোদী (PM Narendra Modi) য়ে মঙলবাৰে গুৱাহাটীত এডভান্টেজ আছাম ২.০ বিনিয়োগ আৰু আন্তঃগাঁথনি সন্মিলন ২০২৫ উদ্বোধন কৰে। এই সন্মিলন উদ্বোধন কৰি তেওঁ কয় যে পূব ভাৰত আৰু উত্তৰ-পূবে এক নতুন প্ৰগতিৰ যুগৰ সূচনা কৰিবলৈ সাজু হৈছে । 

তেওঁ এডভাণ্টেজ আছাম ২.০ (Advantage Assam 2.0) সন্মিলনক অসমৰ সম্ভাৱনাক বিশ্বজুৰি বিনিয়োগৰ সুযোগৰ সৈতে সংযোগ কৰাৰ এক বৃহৎ পদক্ষেপ বুলি অভিহিত কৰে।‘ তেওঁ কয়, ইতিহাস সাক্ষী আছে উত্তৰ পূব ভাৰতে ভাৰতৰ সমৃদ্ধিৰ ক্ষেত্ৰত গুৰুত্বপূৰ্ণ ভূমিকা পালন কৰিছে। আজি ভাৰত উন্নয়নৰ দিশে আগবাঢ়ি যোৱাৰ লগে লগে উত্তৰ-পূর্বাঞ্চলে পুনৰবাৰ নিজৰ শক্তি প্রদর্শন কৰিবলৈ সাজু হৈছে৷’

প্ৰধানমন্ত্ৰীগৰাকীয়ে আৰু কয়, ‘উত্তৰ-পূৰ্বাঞ্চলে নিজৰ সম্ভাৱনা প্ৰদৰ্শন কৰিবলৈ আগবাঢ়িছে। মই এডভান্টেজ আছামক এই মনোভাৱৰ প্ৰতিনিধি হিচাপে দেখিছোঁ। এই মহান অনুষ্ঠানটোৰ বাবে অসম চৰকাৰ আৰু হিমন্ত বিশ্ব শৰ্মাৰ সমগ্ৰ দলটোক অভিনন্দন জনাইছো। 

মোৰ মনত আছে, ২০১৩ চনত মই নিৰ্বাচনী প্ৰচাৰৰ বাবে অসম ভ্ৰমণ কৰিছিলো। এখন সভাত এটা বাক্য মোৰ মনলৈ আহিছিল। মই কৈছিলো বৰ্ণমালা পঢ়াৰ সেই দিনলৈ বৰ বেছি সময় নাই য’ত ‘এ’ ফৰ ‘আছাম’ বুলি কোৱা হ’ব।

অনুষ্ঠানত ভাষণ দি অসমৰ মুখ্যমন্ত্ৰী হিমন্ত বিশ্ব শৰ্মা (CM Himanta Biswa Sarma)ই অসমৰ ৰূপান্তৰৰ বাবে প্ৰধানমন্ত্ৰী মোডীৰ নেতৃত্বৰ কৃতিত্ব প্ৰদান কৰে। তেওঁ কয়, প্ৰধানমন্ত্ৰী নৰেন্দ্ৰ মোডীৰ আশীৰ্বাদত আমি ২০১৮ চনৰ ৩-৪ ফেব্ৰুৱাৰীত এডভান্টেজ আছাম মুকলি কৰিলোঁ। 

প্ৰধানমন্ত্ৰীয়ে কেন্দ্ৰীয় বাজেটত আমাৰ বাবে এটা সেউজ ক্ষেত্ৰ সাৰ উদ্যোগ ঘোষণা কৰিছে, যাৰ ক্ষমতা ১২ লাখ মেট্ৰিক টন। ২০১৪ চনৰ পিছত অসমে পুনৰ জন্ম লাভ কৰিছে। এসময়ত আটাইতকৈ অশান্ত ৰাজ্যসমূহৰ ভিতৰত অন্যতম বুলি গণ্য কৰা অসম এতিয়া দেশৰ আটাইতকৈ শান্তিপূৰ্ণ ৰাজ্য হিচাপে পৰিগণিত হৈছে।’

এই সন্মিলনত কেন্দ্ৰীয় মন্ত্ৰী এছ জয়শংকৰ, জ্যোতিৰাদিত্য সিন্ধিয়া, অশ্বিনী বৈষ্ণৱ, সৰ্বানন্দ সোণোৱাল, আৰু পবিত্ৰ মাৰ্ঘেৰিটা উপস্থিত থকাৰ লগতে কেন্দ্ৰীয় পথ পৰিবহণ আৰু ঘাইপথ মন্ত্ৰী নীতিন গাডকাৰীয়ে ভাৰ্চুৱেলি ভাষণ দিয়ে।

এক্সৰ এটা পোষ্টত প্ৰধানমন্ত্ৰী মোডীয়ে এডভাণ্টেজ আছাম ২.০ সন্মিলনৰ প্ৰদৰ্শনীখনৰ বিষয়ে শ্বেয়াৰ কৰিছে। তেওঁ ইয়াত অসমৰ বিনিয়োগৰ সম্ভাৱনাক প্ৰদৰ্শন কৰে। এডভাণ্টেজ আছাম ২.০ সন্মিলনে বিনিয়োগকাৰীৰ মাজত যথেষ্ট আগ্ৰহৰ সৃষ্টি কৰিছে।

টি ডব্লিউ আই গ্ৰুপৰ গ্ৰুপ চি ই অ’ পুৰুষোত্তম পুনমচান্দ সিংঘালে অনুষ্ঠানটোৰ আয়োজন আৰু বিনিয়োগ অনুকূল পৰিৱেশৰ প্ৰশংসা কৰে। তেওঁ কয়, ‘আমি দুটা ডাঙৰ উদ্যোগ স্থাপন কৰিছো। ভাৰতৰ আমদানিৰ ওপৰত নিৰ্ভৰশীলতা হ্ৰাস কৰিবলৈ বাঁহ ভিত্তিক পাল্প মিল আৰু কৃষ্ণ গ্ল’বেল ভেঞ্চাৰছৰ বিশ্বৰ প্ৰথম উদ্ভাৱন ইলেক্ট্ৰিক হাইব্ৰিড মটৰ চাইকেল নিৰ্মাণ ইউনিট স্থাপন কৰিছো।’

টি ডব্লিউ আই গ্ৰুপৰ এম ডি ড০ উত্তম সিংঘালে এই সন্মিলনক ব্যৱসায়ী আৰু স্থানীয় জনগোষ্ঠী উভয়ৰে বাবে গুৰুত্বপূৰ্ণ বুলি অভিহিত কৰে। ‘এয়া কেৱল অসমৰ কথা নহয়, ভাৰতৰো উন্নতিৰ বাবে উল্লেখনীয় বিষয় বুলিও কয়। তেওঁ কয়, জীৱিকা, অৰ্থনৈতিক বৃদ্ধি, আৰু কৰ্মসংস্থাপনৰ সুযোগৰ ওপৰত গুৰুত্ব আৰোপ কৰি বিগত দশকত উত্তৰ-পূবৰ মৰ্যাদা ৰূপান্তৰিত কৰিছে প্ৰধানমন্ত্ৰী মোদীয়ে।’