ডিজিটেল সংবাদ,গুৱাহাটীঃ ৰাজ্যৰ অৰ্থনৈতিক বিকাশৰ ক্ষেত্ৰত বিশেষ গুৰুত্ব আৰোপ কৰি আম আদমী পাৰ্টিয়ে ষষ্ঠদশ বিত্ত আয়োগৰ অধ্যক্ষ ডঃ অৰবিন্দ পাংগেৰীয়াৰ হাতত এখন স্মাৰক পত্ৰ প্ৰদান কৰে। আপৰ নেতা অম্লানজ্যোতি হাতীবৰুৱা,পুনম গগৈ আৰু জাৰবম কুটুমে ৰাজ্যিক সভাপতি মনোজ ধানোৱাৰৰ হৈ ষষ্ঠদশ বিত্ত আয়োগৰ অধ্যক্ষ ডঃ পাংগেৰীয়াৰ সৈতে এক গুৰুত্বপূৰ্ণ বৈঠকত মিলিত হয়।
অসমৰ জ্বলন্ত সমস্যাবোৰৰ ভিত্তিত আপৰ নেতৃত্বই অধ্যক্ষগৰাকীক স্মাৰক পত্ৰ প্ৰদান কৰে। স্মাৰক পত্ৰত ৰাজ্যত ব্যাপক কৰ্ম সংস্থাপন, উদ্যোগিক বিকাশ, কৃষিখণ্ডৰ আধুনিকীকৰণ,বান আৰু খহনীয়া সমস্যাৰ স্থায়ী সমাধান,স্বাস্থ্য খণ্ডৰ উন্নয়ন, আন্তঃগাঁথনিৰ বিকাশ,শৈক্ষিক খণ্ডৰ উন্নয়ন,জল,ৰেল আৰু পথ পৰিবহন ব্যৱস্থাৰ ক্ষীপ্ৰ সম্প্ৰসাৰণ আৰু অসমক বিশেষ ৰাজ্যৰ মৰ্যাদা প্ৰদানৰ দাবী উল্লেখ কৰে। গুৱাহাটীৰ হোটেল ভিভান্টাত অনুষ্ঠিত বৈঠকত আপৰ নেতৃবৃন্দই বিত্ত আয়োগৰ অধ্যক্ষ ড০ অৰবিন্দ পনগৰীয়াৰ হাতত স্মাৰক পত্ৰখন অৰ্পণ কৰে।
