ডিজিটেল ডেস্কঃ ফিল্মফেয়াৰ বঁটা প্ৰদানৰ সংবাদমেলত অংশগ্ৰহণ কৰি সংবাদ মাধ্যমেৰে বাৰ্তালাপ বলিউডৰ জনপ্ৰিয় অভিনেতা চলমান খানৰ । ভাইজান খ্যাত অভিনেতাগৰাকীয়ে বুধবাৰে নিশা সংবাদমেলত সাংবাদিকে যুৱ প্ৰজন্মৰ অভিনেতা-অভিনেত্ৰীৰ সন্দৰ্ভত সোধা প্ৰশ্নৰ এক উত্তৰত কয়, অভিনয় জগতত কাম কৰি থকা নৱপ্ৰজন্মৰ সকলোৱে কঠোৰ পৰিশ্ৰমী ।
ইয়াৰ বিপৰীতে অভিনেতাগৰাকীয়ে কয় যে নতুন প্ৰজন্মই বহু কষ্ট কৰিলেও বৰ্তমানে বলিউডতত দপদপাই থকা পাঁচজন অভিনেতাই তেওঁলোকক ক্লান্ত কৰি তুলিব । এই পাঁচজনৰ নামো নিজেই সংবাদমেলত জনালে অভিনেতাগৰাকীয়ে । ৫৭ বছৰীয়া অভিনেতাগৰাকীয়ে নতুন অভিনেতা-অভিনেত্ৰীক উদ্দেশ্যি কয় আমাৰ প্ৰজন্মৰ শ্বাহৰুখ, আমিৰ, মই, আক্কি (অক্ষয় কুমাৰ) আৰু অজয় (দেৱগন)এই কেইজনেই যথেষ্ট ।
বৰ্তমানৰ অভিনেতাসকলক কয় যে আমাৰ ছবি অধিক চলে । আৰু সেইবাবেই আমি অভিনয়ৰ বাবে ছবিসমূহত ধন অধিক লওঁ । এতিয়া আমাৰ ছবিসমূহে আমাক অধিক ধন দিয়া দেখি নিজৰ ছবিৰ দাম বৃদ্ধি কৰিবলৈ প্ৰতিযোগীতাত নামিছে নৱ প্ৰজন্ম । যাতে তেওঁলোকও অভিনয় কৰা ছবিত অধিক ধন লাভ কৰিব পাৰে ।
