ডিজিটেল ডেস্ক: বহুচৰ্চিত ‘ইণ্ডিয়ান আইডল-১৩’ৰ পৰা বাহিৰ হ’ল সাঞ্চাৰী সেনগুপ্তা।সাঞ্চাৰীৰ কণ্ঠই মন জিনিব নোৱাৰিলে বিচাৰক তথা দেশৰ শ্ৰোতা-দৰ্শকৰ।
ইফালে,বলীউডৰ ছবিত গীত গোৱাৰ ‘অফাৰ’ পালে শ্ব’টোৰ অন্যতম কণ্ঠশিল্পী ঋষি সিঙে।শেহতীয়াকৈ প্ৰচাৰ হোৱা এটা খণ্ডত শ্ব’টোত উপস্থিত থকা ‘আশিকী’ ছবিখনৰ কলা-কুশলীয়ে ঋষিৰ কণ্ঠৰ বাৰুকৈয়ে প্ৰশংসা কৰে।জনপ্ৰিয় কণ্ঠশিল্পী কুমাৰ ছানুয়ে আশিকীৰ ছিকুৱেল ‘আশিকী-৩’ত ঋষিয়ে গীত গাব বুলিও ৰাজহুৱাকৈ ঘোষণা কৰে।
উল্লেখ্য, শ্ৰোতা-দৰ্শকে ‘ইণ্ডিয়ান আইডেল-১৩’ৰ ‘টপ ১৩’ প্ৰতিযোগীও ইতিমধ্যে লাভ কৰিলে।প্ৰতিভাৱান সংগীত শিল্পীক এক নতুন পৰিচয় দিয়া এই শ্ব’টোত বিচাৰক হিচাপে আছে বিশাল দাদলানী, হিমেশ ৰেছমিয়া আৰু নেহা কক্কৰ।
