এইবাৰ যোগী চৰকাৰৰো কেৰেলা ষ্টৰীক কৰমুক্ত ঘোষণা...
ডিজিটেল ডেস্কঃ বিৰ্তকই লগ এৰা নাই কেৰেলা ষ্টৰীক । তাৰ মাজতে বিভিন্ন ৰাজ্যৰ মুখ্যমন্ত্ৰীসকলে এই চিনেমাখনত ছবিগৃহত চাবলৈ যাব বুলিও মন্তব্য প্ৰদান কৰিছে ।
সৰ্বত্ৰে বিতৰ্ক অব্যাহত থকাৰ মাজতেই কেৰেলা ষ্টৰীক লৈ উত্তৰ প্ৰদেশৰ মুখ্যমন্ত্ৰী যোগী আদিত্য নাথে বৃহৎ ঘোষণা কৰিছে । চিনেমাখনক ৰাজ্যখনত কৰমুক্ত ঘোষণা কৰিছে মুখ্যমন্ত্ৰীগৰাকীয়ে ।
মঙলবাৰে টুইটাৰ যোগে এই কথা সদৰি কৰিছে যোগী আদিত্য নাথে । অকল উত্তৰ প্ৰদেশে নহয় ইয়াৰ পূৰ্বে মধ্য প্ৰদেশৰ বিজেপি চৰকাৰেও ৰাজ্যখনত চলচ্চিত্ৰখনক কৰমুক্ত ঘোষণা কৰিছিল কৰিছিল ।
তদুপৰি মুখ্যমন্ত্ৰীগৰাকীয়ে অহা শুকুৰবাৰে কেবিনেটৰ সৈতে ছবিখন চাবলৈ যোৱাৰ কথাও উল্লেখ কৰিছে ।
অকল উত্তৰ প্ৰদেশৰ মুখ্যমন্ত্ৰী যোগী আদিত্য নাথেই নহয়, সোমবাৰে অসমৰ মুখ্যমন্ত্ৰী ড০ হিমন্ত বিশ্ব শৰ্মাইয়ো কেৰেলা ষ্টৰী ছবিগৃহত চাবলৈ যাব মত প্ৰকাশ কৰিছে । ১১ মে’ত মুখ্যমন্ত্ৰী হিমন্ত বিশ্বই কেবিনেটৰ সৈতে এই ছবি চাবলৈ ছবিগৃহলৈ যাব ।
শেহতীয়াকৈ দ্যা কাশ্মীৰ ফাইলছক লৈ দেশৰ নেতাসকলে ছবি চাবলৈ চলচ্চিত্ৰ গৃহসমূহলৈ যোৱা দেশবাসীয়ে প্ৰত্যক্ষ কৰিছিল ।
এইবাৰ পুনৰ এখন ছবিক লৈ দেশৰ প্ৰায়সমূহ ৰাজ্যৰ ৰাজনৈতিক নেতাসকলে ছবিখন চাবলৈ যাব বুলি মত প্ৰকাশ কৰিছে যদিও ছবিখনে কিছু ৰাজ্যত নিষিদ্ধ ঘোষণা কৰা হৈছে ।
তামিলনাডুত চলচ্চিত্ৰখনৰ অনুষ্ঠানসমূহ বাতিল কৰাৰ লগতে পশ্চিম বংগৰ চৰকাৰেও চলচ্চিত্ৰখন শেহতীয়াকৈ নিষিদ্ধ কৰিছে ।
যদিওবা চিনেমাক বিনোদনৰ মাধ্যম হিচাৰে গণ্য কৰা হ’য় । শেহতীয়াকৈ দুখন ছবি দ্যা কাশ্মীৰ ফাইলছ আৰু কেৰেলা ষ্টৰীক লৈ ৰাজনৈতিক নেতাই যি পদক্ষেপ গ্ৰহণ কৰিছে সেয়া দেখি দেশৰ সচেতন নাগৰিকে চিনেমাটো ৰাজনীতিৰ হাতোৰা পৰা বুলি অভিহিত কৰিছে ।
