ৰাষ্ট্রীয় ঘাইপথ মেৰামতিত দুর্নীতি, ৰাজপথত কঠিয়া ৰুই কংগ্ৰেছৰ প্ৰতিবাদ

ডিজিটেল সংবাদ, শ্ৰীভূমিঃ শ্রীভূমি চহৰত মাজমজিয়া দি যোৱা ৩৭নং ৰাষ্ট্রীয় ঘাইপথ মেৰামতিৰ নামত এনএইচআইডিচিএলয়ে ব্যাপক দুর্নীতি কৰাৰ অভিযোগ উত্থাপন কৰিছে স্থানীয় ৰাইজে। ১০ মাহ পূৰ্বে ৬ কোটি টকাৰে মেৰামতি কৰা ৰাষ্ট্ৰীয় ঘাইপথৰ ঠায়ে ঠায়ে সৃষ্টি হৈছে প্ৰকাণ্ড প্ৰকাণ্ড গাঁতৰ। 

কিছুদিন পূৰ্বে এনএইচআইডিচিএলৰ পথ নিৰ্মাণত অনিয়ম- দুর্নীতিৰ বাবে ৰাইজৰ লগতে ই-ৰিক্সা চালক সকলেও সাব্যস্ত কৰিছিল প্ৰতিবাদ। পিছে ইমানৰ পাছতো সাৰ নাপালে বিভাগীয় কৰ্তৃপক্ষই। যাৰবাবে শুকুৰবাৰে কংগ্ৰেছে সাব্যস্ত কৰিলে অভিনৱ প্ৰতিবাদ। ৰাজপথত কঠিয়া ৰুই বিজেপি চৰকাৰৰ বিৰুদ্ধে মুৰ্দাবাদ ধ্বনিৰে উত্তাল কৰি তোলে পৰিৱেশ। 

আনহাতে, আগন্তুক দূৰ্গা পূজাৰ পূৰ্বে শ্ৰীভূমি চহৰৰ সকলো পথ যদি মেৰামতি কৰি তোলা নহয়, তেন্তে আহিবলগীয়া দিনত বিজেপি চৰকাৰ বিৰুদ্ধে তীব্ৰ আন্দোলন গঢ়ি তোলা হ'ব বুলি হুংকাৰ প্ৰদান কৰে কংগ্ৰেছ দলৰ কৰ্মী-সমৰ্থকে।