নিচা মুক্তি কেন্দ্রত মহিলাৰ ৰহস্যজনক মৃত্য়ু, তীব্ৰ চাঞ্চল্য

ডিজিটেল ডেস্ক: গুৱাহাটীৰ নিচামুক্তি কেন্দ্রত এগৰাকী মহিলাৰ ৰহস্যজনক মৃত্যু। ইয়াক লৈ সৃষ্টি হৈছে তীব্ৰ চাঞ্চল্যৰ।

খাৰঘূলীৰ ফেইথ ফাউণ্ডেচন ৰিহাব চেন্টাৰত সংঘটিত হৈছে এই ঘটনা । প্রায় ডেৰ মাহ ধৰি চেন্টাৰটোত আছিল মহিলাগৰাকী।

মৃত মহিলাগৰাকী পাঠশালাৰ বুলি জানিব পৰা গৈছে। মহিলা গৰাকীক হত্যাৰ সন্দেহ ড্রাগছ বিৰোধী-নিষিদ্ধকৰণ পৰিষদৰ।

এই সন্দৰ্ভত পৰিষদৰ অধ্যক্ষা মৃদুলা বৰকাকতিয়ে প্রতিক্রিয়া ব্যক্ত কৰে। অনুজ্ঞাপত্র নথকাকৈ কেন্দ্রটো চলোৱাৰ অভিযোগ। কেন্দ্রটোৰ যুৱতী সকলকো শাৰীৰিক নিৰ্যাতনৰ অভিযোগ উত্থাপন কৰিছে একাংশই।