ডিজিটেল সংবাদ ৰঙিয়াঃ আজি ৰঙিয়া মহাবিদ্যালয়ত অনুষ্ঠিত হয় মহাবিদ্যালয়ৰ প্ৰতিষ্ঠা দিৱস। এই প্ৰতিষ্ঠা দিৱসৰ সৈতে সংগতি ৰাখিয়েই এগৰাকী প্ৰতিভাৱান ৰাষ্ট্ৰীয় পৰ্যায়ৰ খেলুৱৈকো সম্বৰ্ধনা জনোৱা হয়।
ৰাজস্থানৰ জয়পুৰত অনুষ্ঠিত হোৱা ৱাকো ইণ্ডিয়া ৰাষ্ট্ৰীয় কিক বক্সিং চেম্পিয়নশ্বিপত সোণৰ পদক অৰ্জন কৰিবলৈ সক্ষম হোৱা ৰঙিয়াৰ প্ৰতিভাৱান খেলুৱৈ উদিত কলিতাক মহাবিদ্যালয়ৰ প্ৰতিষ্ঠা দিৱসৰ অনুষ্ঠানতে সম্বৰ্ধনা জনোৱা হয়।
উল্লেখ্য যে, মহাবিদ্যালয়খন প্ৰতিষ্ঠা দিৱসৰ লগত সংগতি ৰাখি এখন মুকলি সভাও অনুষ্ঠিত হয়। এই মুকলি সভাত বহু কেইজন বিশিষ্ট ব্যক্তিৰ লগতে শ্ৰীমন্ত শংকৰদেৱ সংঘৰ পদাধিকাৰ ভবেন্দ্ৰ নাথ ডেকায়ো অংশগ্ৰহণ কৰে।
পদাধিকাৰগৰাকীৰ লগতে মহাবিদ্যালয়ৰ অধ্যক্ষ অধ্যক্ষ ডঃ ব্ৰজেন্দ্ৰ শইকীয়াই কিক বক্সিং খেলুৱৈ উদিত কলিতাক সম্বৰ্ধনা জ্ঞাপন কৰাৰ লগতে স্মাৰকো প্ৰদান কৰে।
