ডিজিটেল সংবাদ, বেকাজানঃ জালুকনিবাৰীৰ অগ্ৰণী সাহিত্য সাংস্কৃতিক আৰু সামাজিক অনুষ্ঠান উদ্যোগত ২৭ জানুৱাৰীৰ পৰা ৩১ডিচেম্বৰ লৈ ৪ দিনীয়া কাৰ্যসূচীৰে আৰম্ভ হৈছে জালুকবাৰী গ্ৰন্থমেলা । গ্ৰন্থমেলাৰ লগত সংগতি ৰাখি অনুষ্ঠিত হৈছে বাণিজ্য মেলাও ।
এই উপলক্ষে পুৱা পতাকা উত্তোলন কৰে উদযাপন সমিতিৰ সভাপতি চন্দ্ৰকান্ত বৰাই আৰু দুপৰীয়া গ্ৰন্থমেলাৰ দ্বাৰ উদ্বোধন কৰে অৱসৰপ্ৰাপ্ত প্ৰধান শিক্ষয়ত্ৰী কৰুণা গগৈ বৰাই । গ্ৰন্থমেলাৰ মুখ্য অতিথি হিচাপে উপস্থিত থাকে প্ৰতিদিন টাইমৰ জ্যেষ্ঠ সাংবাদিক মৃনাল তালুকদাৰ ।
মুখ্য অতিথিৰ ভাষণত তেওঁ কয় গ্ৰন্থ আৰু পঢ়ুৱৈৰ মাজত সু সম্বন্ধ থাকিলেহে অসমীয়া ভাষা সাহিত্য আগবাঢ়ি যাব পাৰিব। আনহাতে বিশিষ্ট অতিথি হিচাপে উপস্থিত থাকে তিতাবৰ সমষ্টিৰ বিধায়ক ভাস্কৰজ্যোতি বৰুৱা ।
গ্ৰন্থমেলাৰ দ্বিতীয় দিনা কবি সন্মিলন অনুষ্ঠিত হয় । উদ্বোধন কৰে অসমৰ বিশিষ্ট সাহিত্যিক সমালোচক ড০ মানিক শইকীয়াই। গ্ৰন্থমেলাৰ প্ৰতি সহাঁৰি জনাই ছাত্র - ছাত্ৰী আৰু পাঠকে ভিৰ কৰা পৰিলক্ষিত হয়।
