ডিজিটেল সংবাদ, তিতাবৰঃ তিতাবৰৰ বোকাহোলা চাহ বাগিচাত চাইকেল চোৰক কৰায়ত্ব কৰে ৰাইজে। বিগত কিছুদিন ধৰি চাহ ফেক্টৰীত কাম কৰিবলৈ অহা শ্ৰমিকৰ হেৰাই আছিল চাইকেল।
পাছত শ্ৰমিকৰ সন্দেহ ওপজাত ফেক্টৰীৰ CCTV ৰ ফুটেজ পৰীক্ষা কৰি ফেক্টৰীটোৰে বুতু গগৈ নামৰ এজনে কৰ্মচাৰীৰে চাইকেল লৈ যোৱাৰ দৃশ্য ধৰা পৰে।তাৰপিছতে শ্ৰমিকসকলে বুতুক কৰায়ত্ব কৰি বাগিচাৰ কাৰ্যালয়ত আবদ্ধ কৰি ৰাখে।
আটকাধীন বুতু গগৈক ৰাইজে সোধ-পোছ কৰাত শ্ৰমিকৰ চাইকেল চুৰি কৰি নিয়াৰ কথা স্বীকাৰ কৰে। ইয়াৰ পাছতে ৰাইজে তিতাবৰ আৰক্ষীক গতাই দিয়ে চাইকেল চোৰ বুতুক।
