শীঘ্ৰেই চাৰিখন দেশৰ মাজত অনুষ্ঠিত হ’ব খেল : কুলেন নাথ

ডিজিটেল সংবাদ, বাক্সা: সীমান্ত চেতনা মঞ্চ পুৰ্বোত্তৰ অসমে প্ৰতি বছৰে জিলা ভিত্তিক খেল অনুষ্ঠিত কৰিব । ইতিমধ্যে চৰকাৰৰ তৰফৰ পৰা এক প্ৰস্তাৱ আহিছে। অতি শীঘ্ৰেই চুবুৰীয়া ৰাষ্ট্ৰ ভাৰত, ভূটান, নেপাল, বাংলাদেশ আদি দেশৰ মাজত অনুষ্ঠিত হ'ব আন্তৰাষ্ট্ৰীয় পৰ্যায়ৰ খেল।

সোমবাৰে বাক্সা জিলাৰ মুছলপুৰ ওচৰৰ বাথৌফুৰিত থকা স্পৰ্টচ কমপ্লেক্সত খেলুৱৈ বাচনিৰ বাবে অনুষ্ঠিত উদ্বোধনী অনুষ্ঠানত ভাগ লৈ সীমান্ত চেতনা মঞ্চৰ পূৰ্বোত্তৰ অসমৰ ৰাজ্যিক খেল প্ৰমুখ কুলেন নাথে এইদৰে কয়। তেখেতে কয় যে ন টা ইভেন্টত দুদিনীয়াকৈ চলিব লগাীয় এই বাচনি খেলত মুঠ চাৰিশ জন খেলুৱৈৱে অংশগ্ৰহণ কৰিব।

এই বাচনিৰ জড়িয়তে অহা ২৫ ৰ পৰা২৭ মাৰ্চলৈ গুৱাহাটীৰ সৰুসজাইত প্ৰথম সীমান্ত ক্ৰীড়া মহোৎসৱত ভাগ ল'ব পাৰিব বুলি জানিবলৈ দিয়ে। ইয়াৰ পূৰ্বে পতাকা উত্তোলন আৰু ভাৰত মাতাৰ প্ৰতিচ্ছৱিত পুষ্পাঞ্জলী অৰ্পণ কৰা হয়। বাক্সা জিলা ক্ৰীড়া বিষয়া দেবাংগ মহিলাৰীয়ে ৰঙা ফিটা কাটি উদ্বোধন কৰে।