জীয়া ভৰলী ফাউণ্ডেশ্যনৰ উদ্যোগত খনামুখৰ ওঠৰ মাইলত বৃক্ষৰোপণ কাৰ্যসূচী...

ডিজিটেল সংবাদ, জামুগুৰিহাট : বৃহত্তৰ খনামুখ অঞ্চলৰ সামাজিক অনুষ্ঠান জীয়া ভৰলী ফাউণ্ডেশ্যনৰ উদ্যোগত বুধবাৰে জামুগুৰিহাটৰ সমীপৰ খনামুখৰ ওঠৰ মাইল স্থিত ৰাজহুৱা নামঘৰ প্ৰাংগনত বৃক্ষৰোপণ কাৰ্যসূচী ৰূপায়ন কৰা হয় ৷ এই কাৰ্যসূচীৰ আতঁধৰে ওঠৰ মাইল অঞ্চলৰ বিশিষ্ট সমাজকৰ্মী মুকুন্দ দেয়ে।

জীয়া ভৰলী ফাউণ্ডেশ্যনৰ উদ্যোগত বিগত ৫ জুন বিশ্ব পৰিৱেশ দিৱস উপলক্ষে বৃহত্তৰ খনামুখ আৰু ৰঙাজান অঞ্চলত বৃক্ষৰোপণ কাৰ্যসূচী সম্পন্ন কৰাৰ পিছত বুধবাৰে পুনৰ এই বৃক্ষৰোপণ কাৰ্যসূচী সম্পন্ন কৰা হয় ৷ উল্লেখযোগ্য ৰাজ্য চৰকাৰৰ নিৰ্দেশ মৰ্মে সমগ্ৰ ৰাজ্যজুৰি বৃক্ষৰোপণৰ জৰিয়তে “গ্ৰীন অসম ক্লীন অসম” শ্লগান লৈ সেউজী বিপ্লৱৰ সূচনা কৰিব বিচৰাৰ সময়ত এই সামাজিক অনুষ্ঠানটিৰ জৰিয়তে আগন্তুক ২ অক্টোবৰ পৰ্যন্ত এই কাৰ্যসূচী গ্ৰহণ কৰি চৰকাৰৰ উদ্দেশ্যত কিঞ্চিত হ'লেও সহায়ক হ'ব বুলি আশা প্ৰকাশ কৰিছে জীয়া ভৰলী ফাউণ্ডেশ্যনৰ কৰ্মকৰ্তাসকলে।

এই অনুষ্ঠানত সামাজিক ফাউণ্ডেশ্যনৰ মোহন উপাধ্যায়, ৱাল্টৰ ছয়, জোনটি নৰহ, হৰেন নাথ, পদেশ্বৰ মিলি, জিতেন তালুকদাৰ, জাফৰ আলী, ৰাজু চহৰীয়াসহ কেইবাগৰাকীও বিশিষ্ট ব্যক্তি উপস্থিত আছিল।

Also Read: বড়োলেণ্ড বিশ্ববিদ্যালয়ৰ পৰা অসমীয়া ভাষা প্ৰত্যাহাৰকলৈ প্ৰতিক্ৰিয়া আছু-বড়ো সাহিত্য সভাৰ...