পাগলাবিলৰ পৰা চুৰি হোৱা পাম্প মেচিন সহ চোৰ আটক

ডিজিটেল সংবাদ,ৰঙাপৰা:  ৰঙাপৰাৰ পাগলাবিল অঞ্চলত চুৰিকাণ্ড সংঘটিত কৰি সন্ত্ৰাস সৃষ্টি কৰা এজন গভাইত চোৰক আটক ৷ পাগলাবিলৰ কৃষক গোপাল কিষানে নিজৰ তৰমুজ খেতিত পানী দিবলৈ এটি পাম্প মেচিন ভাড়ালৈ আনিছিল ৷ কিন্তু দেওবাৰে পাগলাবিলৰ চুকৰা খেৰীয়া নামৰ চোৰটোৱে পাম্প মেচিনটো চুৰি কৰি লৈ যায় ৷

চুৰি কৰা পাম্প মেচিনটো চুকৰা খেৰীয়াই বিক্ৰী কৰিবলৈ ৰঙাপৰাৰ এখন দোকানলৈ আনাৰ সময়তে দোকানৰ মালিকে চোৰটোক ধৰি ৰঙাপৰা আৰক্ষীক চমজাই দিয়ে ৷  চুকৰা  খেৰীয়াই অঞ্চলটোৰ পৰা বহু পাম্প মেচিনৰ লগতে সা-সামগ্ৰী চুৰি কৰি সন্ত্ৰাসৰ সৃষ্টি কৰি আহিছিল ৷