ডিজিটেল সংবাদ,জামুগুৰিহাটঃ "নিৰ্বাচন শেষ ৷ বোকা চতিয়া ৰাজনীতিও শেষ ৷ এতিয়া বিহুমৰাৰ সময় ৷ নিৰ্বাচনৰ ভাগৰ পলোৱা সময় ৷ বিহু বুলি এসাজ লগে-ভাগে খোৱাৰ সময় ৷ সেয়ে ওলাই আহিছো পুখুৰীত মাছ মাৰিবলৈ" এই মন্তব্য চতিয়া সমষ্টিৰ বিধায়ক পদ্ম হাজৰিকাৰ ৷
শুকুৰবাৰে পুৱা জামুগুৰিহাটৰ ভৰলীপৰীয়া কন্যকা কৃষি পামত মাছ মাৰিবলৈ উপস্থিত হয় বিধায়ক পদ্ম হাজৰিকা। কান্ধত পল' লৈ কণ্যকা পৰিয়ালৰ সদস্য সকলৰ সৈতে বিহু গাই মাছ মৰাত ব্যস্ত হৈ পৰে বিধায়কগৰাকী ৷ এই সময়ছোৱাত বিধায়কগৰাকীক সংগ দিয়ে দলীয় তথা কৃষি পামখনৰ কৰ্মী সকলে।
