ডিজিটেল সংবাদ জামুগুৰিহাটঃ জামুগুৰিহাটৰ বাপুজী ভৱণত দেওবাৰে নিশা পাঞ্জা খেলিলে বিধায়ক পদ্ম হাজৰিকাই৷ জামুগুৰি শৰীৰ চৰ্চা আৰু দুঃসাহসিক ক্ৰীড়া কেন্দ্ৰৰ উদ্যোগত নদুৱাৰ ভিত্তিত অনুষ্ঠিত এখনি প্ৰাইজমানী পাঞ্জা প্ৰতিযোগিতাৰ শুভ উদ্বোধন কৰি এইদৰে পাঞ্জা প্ৰতিযোগিতাখনত খেলুৱৈৰ ৰূপত অংশগ্ৰহণ কৰে বিধায়কগৰাকীয়ে৷
উল্লেখ্য যে এই পাঞ্জা প্ৰতিযোগিতাখনত শতাধিক প্ৰতিযোগীয়ে অংশগ্ৰহণ কৰে৷ প্ৰতিযোগিতাখনি শুভ উদ্বোধন কৰি বিধায়কগৰাকীয়ে ভাষণ প্ৰসংগত বৰ্তমান চৰকাৰখনে খেলুৱৈ তথা ক্ৰীড়াৰ ক্ষেত্ৰখনত দিয়া গুৰুত্ব,অনুদান আদি বিষয়সমূহো ব্যক্ত কৰে৷
