তেজপুৰৰ পিছত জামুগুৰিহাটৰ জনাঞ্চলত বনৰীয়া ম'হৰ মুক্ত বিচৰণ...

ডিজিটেল সংবাদ জামুগুৰিহাটঃ তেজপুৰৰ ৰাজপথত উন্মাদ বনৰীয়া ম'হৰ আক্ৰমণত পথচাৰীৰ মৃত্যু হোৱাৰ ঘটনাই চাঞ্চ্যলৰ সৃষ্টি কৰাৰ সময়তে এইবাৰ জামুগুৰিহাটৰ খলিহামাৰিত এটা বনৰীয়া ম'হৰ মুক্ত বিচৰণে ৰাইজক সন্ত্ৰাসিত কৰি তুলিছে। কাজিৰঙা ৰাষ্ট্ৰীয় উদ্যানৰ ষষ্ঠ সংযোজনৰ পৰা ওলাই আহি খলিহামাৰিত আশ্ৰয় লোৱা বনৰীয়া ম'হৰ সম্ভাব্য আক্ৰমণৰ ভয়ত এতিয়া শংকিত গাঁওবাসী।

পুৱাৰ ভাগতে গাঁওখনৰ পথাৰত বিচৰণ কৰা বনৰীয়া ম'হটো দেখি গাঁওখনত অনুষ্ঠিত হোৱা এক বিবাহ অনুষ্ঠানৰ বাবে অহা লোকসকলো অধিক শংকিত হৈ পৰিছে।

অৱশ্যে ৰাইজে বনবিভাগক অৱগত কৰোৱাত ইতিমধ্যে বনবিভাগৰ লোক উপস্থিত হৈ বনৰীয়া মহটোৰ গতিবিধি নিৰীক্ষণ কৰি থকা পৰিলক্ষিত হৈছে।