/asomiyapratidin/media/post_attachments/asomiyapratidin/2023-09/f848377a-593c-4ec7-8717-a60e44af7ba5/AP_FOR_WEB_new_format_Y_copy.jpg)
ডিজিটেল সংবাদ, জামুগুৰিহাটঃ নিশা জামুগুৰিহাটৰ ১৫ নং ৰাষ্ট্ৰীয় ঘাইপথত সংঘটিত হয় ভয়ংকৰ পথ দুৰ্ঘটনা। বসুন্ধৰা গেছ এজেঞ্চিৰ সন্মুখত সংঘটিত হয় এই দুৰ্ঘটনা ৷ জানিব পৰা অনুসৰি ৰৈ থকা ট্ৰাকত এখন চাৰিচকীয়া বাহনে খুন্দা মৰাত সংঘটিত হয় দুৰ্ঘটনাটো৷
উল্লেখ্য তেজপুৰৰ পৰা জামুগুৰিহাটৰ দিশে গৈছিল চাৰিচকীয়া ব্ৰীজা বাহনখন। বাহনখনত আছিল দুগৰাকী আৰোহী । দুৰ্ঘটনাটোত গুৰুতৰভাৱে আহত হয় ব্ৰীজা বাহনখনৰ চালকসহ আনগৰাকীলোক ৷
দুৰ্ঘটনা সংঘটিত কৰা বাহনখনৰ নম্বৰ হৈছে এ এছ-১২-ও এফ-৮৫০০, আনহাতে ৰৈ থকা ট্ৰাকখনৰ নম্বৰ এ এছ-১২-এ চি-০৮৭৫। ঘটনাস্থলীত আৰক্ষী উপস্থিত হৈ আহত দুয়োগৰাকীকে ধলাইবিলস্থিত উত্তৰ জামুগুৰি চিকিৎসালয়লৈ প্ৰেৰণ কৰিছে৷
Also Read: ২০ কৃতী শিক্ষকক সন্মানেৰে ধেমাজিত জিলা ভিত্তিত শিক্ষক দিৱস