ডিজিটেল সংবাদ, গহপুৰঃ গহপুৰত সংঘটিত হৈছে এক মানৱ সমাজক লজ্জানত কৰা এক ঘটনা । এগৰাকী ২০ বছৰীয়া যুৱতীক সন্ধিয়া নিজ গৃহৰ পদুলিৰ পৰা এখন গাড়ীয়ে অপহৰণ কৰি লৈ যায় ।
অপহৰণ কৰি গাড়ীৰ ভিতৰতেই ধৰ্ষণ কৰাৰ দৰে নিৰ্লজ্জ কাণ্ড সংঘটিত হৈছে । ধৰ্ষণ কৰি সমগ্ৰ কাণ্ড বন্ধুৰ দ্বাৰা মোবাইলত ৰেকৰ্ডিং কৰাৰ দৰে ঘটনা সংঘটিত হৈছে ৷
শুকুৰবাৰে সংঘটিত এই ঘটনাৰ পাছত ভুক্তভুগী যুৱতীগৰাকীৰ এজাহাৰ ভিত্তিত গহপুৰৰ হাৱাজান আৰক্ষীয়ে ইতিমধ্যে সমগ্ৰ ঘটনাৰ লগত জড়িত আটাইকেইজন যুৱকক গ্ৰেপ্তাৰ কৰিছে ।
এই ঘটনাৰ মূল মাষ্টাৰমাইণ্ড পোৰানচাদগৌৰা বসুমতাৰীয়ে নিজৰ নীলা ৰংৰ AS 32 A 1356 ব্ৰীজা গাড়ীত যুৱতীগৰাকীক কিছুদুৰ নিলগলৈ লৈ যায় । পিছত গাড়ীৰ ভিতৰত এই ধৰ্ষণ কাণ্ড সংঘটিত কৰে ।
আৰক্ষীয়ে গ্ৰেপ্তাৰ কৰা আন চাৰিজন যুৱক হৈছে বিপুল বসুমতাৰী, চংখৰ বসুমতাৰী, চোহেন গয়াৰী আৰু বিজয় মুছাহাৰীয় । বিজয় মুছাহাৰীয়ে সমগ্ৰ ধৰ্ষণ কাণ্ড মোবাইলত ৰেকৰ্ডিং কৰে ।
ঘটনাটোৰ সংক্ৰান্তত ধৃত ৫ যুৱকৰ বিৰুদ্ধে ভাৰতীয় দণ্ডবিধী আইনৰ ১২০(বি),৩৬৬,৩৭৬(ডি), ৫১১,৩৮৫,৩৮৪ আৰু ২৯৪ ধাৰাৰ অধীনত ৯০/২০২৩ নম্বৰত গহপুৰ আৰক্ষী থানাত এক গোচৰ পঞ্জীয়ন কৰি যাবতীয় আইনী ব্যৱস্থা গ্ৰহণ কৰিছে গহপুৰ আৰক্ষীয়ে।
