ৰাঙিলীয়ালত বিপদসংকুল পথ : সুঁতি পাৰ হৈ আহ-যাহ ছাত্ৰ-ছাত্ৰীৰ

ডিজিটেল সংবাদ,গহপুৰ : বহু চৰকাৰ আহিল, বহু চৰকাৰ গ’ল। কিন্তু কোনো এখন চৰকাৰে গহপুৰৰ ৰাঙিয়াল পঞ্চায়তৰ অন্তৰ্গত বিদ্যালয়লৈ যোৱা পথটো আজিলৈ নিৰ্মাণ নকৰিলে।

যাৰ ফলত অতি বিপদসংকুলভাৱে আহ-যাহ কৰিব লগা হৈছে ছাত্ৰ-ছাত্ৰীকে ধৰি অঞ্চলটোৰ ৰাইজ। এই অভিযোগ অঞ্চলটোৰ সচতেন ৰাইজৰ।

গহপুৰৰ গলচেপাৰ কুঁহিমাৰী প্ৰাথমিক বিদ্যালয়ৰ কণ কণ শিক্ষাৰ্থীসকলে দৈনিক নৈ পাৰ হৈ বিদ্যালয়লৈ অহা- যোৱা কৰিব লাগে। বিদ্যালয়খনৰ সন্মুখৰে বৈ যোৱা নৈৰ সুঁতিটোত নাই দলং।

অভিভাৱকসকলে দৈনিক সন্তানসকলক পাৰ কৰাই দিয়ে যদিও শীঘ্ৰেই এখন দলং নিৰ্মাণৰ বাবে অনুৰোধ জনাইছে চৰকাৰক।

জানিবলৈ দিয়া মতে পানী বাঢ়িলে বিদ্যালয়লৈ আহ-যাহ কৰাত অধিক সমস্যাৰ সন্মুখীন হয় শিক্ষকৰ লগতে শিক্ষাৰ্থীৰ । সেয়ে বিদ্যালয়খনলৈ যাবলৈ সুচল ব্যৱস্থা কৰিবলৈ চৰকাৰক আহ্বান জনাইছে স্থানীয় ৰাইজে।

Also Read: দুটাকৈ ভূমিকম্পই জোকাৰি গ’ল জাপানক : যিকোনো মুহূৰ্ততে আহিব পাৰে ছুনামি !