ডিজিটেল সংবাদ, শিৱসাগৰ : শিৱসাগৰ জিলাৰ জয়সাগৰ আৰক্ষীয়ে দেওবাৰে নিশা এজন যুৱকৰ পৰা এটা পিষ্টল উদ্ধাৰ কৰা ঘটনাই সৰ্বত্ৰ চাঞ্চল্যৰ সৃষ্টি কৰিছে ৷ জানিব পৰমতে জি জি এচ চাৰিআলিৰ পৰা আৰক্ষীয়ে পংকজ দাস নামৰ ৩২ বছৰীয়া যুৱকজনৰ পৰা .২২ পিষ্টল জব্দ কৰে ৷
এই পিষ্টলটো চাইনাত নিৰ্মিত বুলি জানিব পৰা গৈছে ৷ যুৱকজনৰ পৰা তিনিটা সজীৱ গুলীও উদ্ধাৰ কৰে আৰক্ষীয়ে ৷
এই যুৱকজন অঞ্চলটোৰ কংকন দাসৰ পুত্ৰ ৷ জানিব পৰামতে এই যুৱকজন তিনিচুকীয়াত থাকে ৷
যোৱা কেইবাটাও দিনধৰি এই যুৱকজনে পিষ্টলটো লৈ অঞ্চলটোত বিচৰণ কৰি থকাৰ তথ্য জয়সাগৰৰ আৰক্ষী বিষয়া মনোৰঞ্জন ৰাজখোৱাই লাভ কৰি আজি নিশা প্ৰায় ৯ বজাত অভিযান চলাই অস্ত্ৰধাৰী যুৱকজনক কৰায়ত্ব কৰে ৷
