কাছাৰত ভয়ংকৰ অগ্নিকাণ্ডত জীৱন্তে অগ্নিদগ্ধ হৈ মহিলাৰ মৃত্যু…

ডিজিটেল সংবাদ, শিলচৰ: কাছাৰৰ বৰখলাত ভয়ংকৰ অগ্নিকাণ্ড৷ ৰানীঘাট মনিপুৰী বস্তিত শনিবাৰে পুৱতি নিশা সংঘটিত এই অগ্নিকাণ্ড৷ নিশা দু বজাত সংঘটিত অগ্নিকাণ্ডত এগৰাকী মহিলাৰ মৃত্যু৷ মৃত মহিলা গৰাকীৰ নাম ৫২ বছৰীয়া চনাতম্বি বিবি কাজী ৷

জীৱন্তে অগ্নিদগ্ধ হৈ মৃত্যু হয় মহিলা গৰাকীৰ। স্থানীয় লোক উপস্থিত হৈ কোনোৰকম উদ্ধাৰ কৰে চানাতম্বিৰ ৭৫ বছৰীয়া বৃদ্ধা মা জলিলা বিবি কাজীক। ঘৰত থকা মূল্যবান সকলো সামগ্ৰী জুইত জাহ যায়৷ বহু গুৰুত্বপুৰ্ণ নথিপত্রও ভস্মীভূত হয় অগ্নিকাণ্ডত৷ ক্ষয়-ক্ষতিৰ পৰিমাণ কেইবা লাখ টকা ৷

মৃত মহিলা গৰাকী জলিলা বিবিৰ জীয়েক৷ মাক আৰু জীয়েক বাসকৰিছিল ঘৰটোত৷ নিশা হঠাতে অগ্নিকাণ্ডৰ সুত্ৰপাত হয় ৷ অগ্নিকাণ্ডৰ কাৰন জানিব হোৱা নাই ৷ নিশা প্ৰায় দুই বজাত সংঘটি অগ্নিকাণ্ডৰ পৰা নিজকে ৰক্ষা কৰিবলৈ চানাতম্বি বিবি এটি ধানৰ ডুলিৰ তলত আশ্ৰয় লৈছিল ৷

কিন্তু ডুলিটো জ্বলি ভস্মীভুত হৈ তলত খহি পৰাত ডুলিটোৱে হেচা মাৰি ধৰে চানাতম্বিক আৰু জুৱে চানি ধৰে মহিলা গৰাকীক৷থিতাতে মৃত্যু হয় তেওঁৰ ৷ পিচত খবৰ পাই স্হানীয় লোকে চানাতম্বিৰ মা ৭৫ বছৰীয়া জলিলা বিবিক উদ্ধাৰ কৰে৷ ইফালে অগ্নিনিৰ্বাক বাহিনী গৈ পোৱাৰ আগতে মহিলা দুগৰাকী বাসকৰা ঘৰটো সম্পুৰ্ণ পুৰি ভস্মীভুত হয় ৷ আৰক্ষী উপস্থিত হৈ চানাতম্বিৰ মৃতদেহ উদ্ধাৰ কৰি মৰনোত্তৰ পৰীক্ষাৰ বাবে SMCH লৈ প্ৰেৰন কৰে ৷

আৰু পঢ়ক: চিৰাঙত ব্যাপক দুৰ্নীতি, বানত ক্ষতিগ্ৰস্ত সকলৰ বিপৰীতে আনে পালে সাহায্য…