ডিজিটেল সংবাদ, বিহালীঃ আজি ৰাম জন্মভূমি অযোধ্যাত ৰাম মন্দিৰ প্ৰতিষ্ঠাৰ সন্ধিক্ষণত বিহালীত ধোঁৱা চাঙত উঠিল প্ৰধানমন্ত্ৰী মোডীৰ সৱকা চাথ সৱকা বিকাশ সৱকা বিস্বাস শ্ল'গান ৷
দেশৰ বিৰোধী নেতা ৰাহুল গান্ধীয়ে ভাৰত জৌড়া ন্যায় যাত্ৰা কাৰ্যসূচীৰে বিশ্বনাথত প্ৰৱেশ কৰা দিনটোত অসমৰ চৰকাৰে সঞ্চয় গোটৰ মহিলাক আঁচনিৰ ১০ হাজাৰ টকীয়া ফৰ্ম বিতৰণৰ বাবে দিন নিৰ্দ্ধাৰণ কৰিছিল ৷ সেইমৰ্মে বিহালীৰ প্ৰতিটো গাওঁ পঞ্চায়তত সঞ্চয় গোটৰ মহিলাৰে ভৰি পৰিল ৷ থিক তেনেসময়তে কংগ্ৰেছ দলৰ সমৰ্থক হোৱাৰ বাবেই এগৰাকী মহিলাক নগদ ধন আঁচনিৰ ফৰ্ম নিদিয়াৰ অভিযোগ উঠিছে৷
বিহালী বিধান সভা সমষ্টিৰ নিজ বিহালী গাওঁ পঞ্চায়ত এলেকাৰ এগৰাকী সঞ্চয় গোটৰ মহিলাই ফৰ্ম লাভ নকৰাত বিজেপি চৰকাৰখনৰ প্ৰতি বিষেদগাৰ প্ৰকাশ কৰা দেখা গৈছে ৷ মহিলা গৰাকীয়ে কংগ্ৰেছী হোৱাৰ বাবেই সৱকা চাথ সৱকা বিকাশ সৱকা বিস্বাস শ্ল'গান আওৰাই অহা প্ৰধানমন্ত্ৰী নৰেন্দ্ৰ মোডীৰ বিজেপি চৰকাৰখনে প্ৰধানমন্ত্ৰী আৱাস গৃহ , অৰুণোদয় আদি চৰকাৰী আঁচনিৰো সুবিধা লাভ নকৰাৰ অভিযোগ তুলিছে৷
