শনিবাৰে চৰাইদেউ প্ৰেছ ক্লাবৰ প্ৰতিষ্ঠা দিৱস

ডিজিটেল সংবাদ, মথুৰাপুৰঃ ঐতিহ্যমণ্ডিত চৰাইদেউ অঞ্চলৰ সংবাদ কৰ্মী সকলৰ ঊমহতীয়া মঞ্চ “চৰাইদেউ প্ৰেছ ক্লাব”ৰ চতুৰ্থ বাৰ্ষিক প্ৰতিষ্ঠা দিৱস শনিবাৰে মথুৰাপুৰত দিনজোৰা কাৰ্যসূচীৰে অনুষ্ঠিত হব ৷

মথুৰাপুৰ উচ্চতৰ মাধ্যমিক বিদ্যালয়ৰ প্ৰেক্ষাগৃহত অনুষ্ঠিত হ’বলগীয়া দিৱসৰ সৈতে সংগতি ৰাখি পুৱা ক্লাবৰ পতাকা উত্তোলন, স্মৃতি তৰ্পণ আৰু গছপুলি বিতৰণ কৰা হব ৷ দুপৰীয়া সাংবাদিসকলৰ সৈতে ছাত্ৰ-ছাত্ৰীসকলৰ অন্তৰংগ আলাপ, মুকলি সভা আৰু সম্বৰ্ধনা অনুষ্ঠানৰ আয়োজন কৰা হৈছে ৷

উক্ত দিন সকলো কাৰ্যসূচীত ৰাইজৰ উপস্থিতি আৰু সহযোগিতা কামনা কৰিছে ক্লাবৰ সভাপতি আৰু সম্পাদক ক্ৰমে ধ্ৰৱজ্যোতি বৰুৱা,প্ৰণৱ বৰগোহাঁইয়ে ৷