মানকাচৰত সীমান্ত চেতনা মঞ্চ পূৰ্বত্তৰ ৰাখী বন্ধন উৎসৱ। দেশৰ নিৰাপত্তাৰ বাবে ঘৰৰ পৰা বাহিৰত থাকি সীমান্তত অত্যন্ত প্ৰহৰী হিচাপে কাম কৰা চাৰি বি এছ এফ কেম্পৰ জোৱানক সীমান্ত চেতনা মঞ্চৰ মহিলা সদস্য সকলে পিন্ধালে ৰাখী…

মানকাচৰ, ডিজিটেল সংবাদ : আজি পৱিত্ৰ ভাতৃত্বৰ দিন৷ ভগ্নীক আজীৱন সুৰক্ষা প্ৰদানৰ বাবে ভাতৃয়ে প্ৰতিশ্ৰুতি গ্ৰহণ কৰাৰ দিন ৷ শাওণ মাহৰ পূৰ্ণিমাৰ এই উৎসৱৰ উপলক্ষত দেশত সৃষ্টি হৈছে উখল-মাখল পৰিৱেশ ৷ অৱশ্যে এইবেলি দেশত দুদিনীয়াকৈ উদযাপিত হ'ব ৰাখী বন্ধন৷ কিয়নো এইবাৰ পৱিত্ৰ উৎসৱত ভদ্ৰাৰ ছাঁ পৰিব বুলি আশংকা কৰিছে জ্যোতিষীয়ে ৷ গতিকে জ্যোতিষশাস্ত্ৰৰ বিধান মানি চলাসকলে বৃহস্পতিবাৰেহে পালন কৰিব ৰাখী বন্ধন ৷ তদুপৰি ভগ্নীৰ হাতেৰে পৱিত্ৰ ৰাখী পিন্ধিবলৈ জ্যোতিষীয়ে বাছি দিছে নিৰ্দিষ্ট ক্ষণ ৷ আজি মানকাচৰৰ ভাৰত বাংলাদেশ সীমান্তত সীমান্ত চেতনা মঞ্চ পূৰ্বত্তৰ মানকাচৰ শাখাৰ অধীনত উলহ মালহেৰে ৰাখী বন্ধন উৎসৱ উদযাপন কৰা হয় । দেশৰ বিভিন্ন ৰাজ্যৰ পৰা দেশ সুৰক্ষাৰ বাবে সীমান্তত অত্যন্ত প্ৰহৰী হৈ কাম কৰা শতাধিক বি এছ এফ জোৱানক আজি ৰাখী পিন্ধোৱা হয় । সীমান্ত চেতনা মঞ্চৰ মহিলা সদস্য সকলে মানকাচৰ, কাকৰিপাৰা, সাহাপাৰা আৰু জোৰডাঙ্গা বি এছ কেম্পৰ জোৱান সকলক ৰাখী পিন্ধাই ৰাখী উৎসৱ পালন কৰে ।

আৰু পঢ়ক : গণ শিল্পী সূৰ্য দাস, অধ্যাপক, লেখক ড০ উপেন ৰাভা হাকাচামকে ধৰি ৮ জনলৈ ৰাভা হাচং স্বায়ত্ব শাসিত পৰিষদৰ বঁটা…