অব্যাহত আছে ৰাভা হাছং স্বায়ত্ব শাসিত পৰিষদৰ ভোটগ্ৰহণ...

ডিজিটেল ডেস্কঃ পুৱা ৭ বজাৰ পৰা ৰাভা হাছং স্বায়ত্ব শাসিত পৰিষদৰ ভোটগ্ৰহণ শান্তিপূৰ্ণ প্ৰক্ৰিয়াৰে অব্যাহত আছে। ৰাজ্যিক নিৰ্বাচন আয়োগ, অসমৰ তথ্য অনুসৰি ১১ বজা পৰ্যন্ত স্বায়ত্ব শাসিত পৰিষদখনৰ ভোটদানৰ হাৰ ৩৩.৩০ শতাংশ। 

উল্লেখ্য যে, মুঠ ৩৬ টা সমষ্টিৰ স্বায়ত্ব শাসিত পৰিষদখনৰ আজি  ৩৩ টা সমষ্টিত ভোটগ্ৰহণ অনুষ্ঠিত হৈছে। ৩ টা সমষ্টিত বিনা প্ৰতিদ্বন্দিতাৰে প্ৰাৰ্থী নিৰ্বাচিত হৈছে।  পৰিষদখনৰ ২০ টা সমষ্টি গোৱালপাৰা জিলাৰ অন্তৰ্গত আৰু ১৬ টা সমষ্টি কামৰূপ জিলাৰ অন্তৰ্গত। 

এইবাৰ পৰিষদখনৰ মুঠ ভোটাৰৰ সংখ্যা ৪ লাখ ৪৫ হাজাৰ ৫৮৬ গৰাকী।  ইয়াৰে ২ লাখ ১৬ হাজাৰ ১৮১ গৰাকী পুৰুষ ভোটাৰ। গোৱালপাৰা জিলাত সৰ্বাধিক ২ লাখ ৫৪ হাজাৰ ৬৪৪ গৰাকী ভোটাৰ আছে। পৰিষদখনৰ ভোট গণনা হ'ব ৪ এপ্ৰিল ২০২৫ ত।