কাজিৰঙাত আকৌ আৰম্ভ হ'ল গঁড় হত্যা

কাজিৰঙাৰ ৰাষ্ট্ৰীয় উদ্যানত বছৰৰ প্ৰথমটো গঁড় হত্যা।

গঁড় হত্যা কৰি খৰ্গ লৈ উধাও হ'ল চোৰাং চিকাৰী.

কাজিৰঙা ৰাষ্ট্ৰীয় উদ্যানৰ বাগৰি বনাঞ্চলৰ কাঠপৰা বন শিবিৰ এলেকাত সংঘটিত হৈছে এই ঘটনা।

চাৰি-পাঁচ দিন পূৰ্বে চোৰাং চিকাৰীয়ে গঁড় হত্যা কৰি খৰ্গ লৈ উধাও হয় যদিও দেওবাৰে দিনৰ ভাগত বন বিভাগে খড়্গ বিহীন গঁড় ৰ মৃতদেহ উদ্ধাৰ কৰে ।

বন বিভাগ, আৰক্ষীৰ শীৰ্ষ বিষয়া ৰাওনা হৈছে ঘটনাস্থলীত।

সমগ্ৰ তথ্য জানিবলৈ দিয়ে DFO ৰমেশ কুমাৰ গগৈয়ে।

পূৰ্বতে অৰ্থাৎ ২০২২ বৰ্ষৰ ২০ জানুৱাৰীত কহঁৰা বনাঞ্চলৰ শিলেখুন্দা বন শিবিৰত ঘটিছিল গঁড় হত্যাৰ ঘটনা ৷

উল্লেখ যে, অহা ৬ এপ্ৰিল তাৰিখে কাজিৰঙালৈ আহিব দেশৰ ৰাষ্ট্ৰপতি দ্ৰৌপদী মূৰ্মু।