ডিজিটেল সংবাগ,মেৰাপানী : মেৰাপানীত সোমবাৰে বিলাতী সুৰাসহ এজন যুৱকক আটক কৰে। নিশা মেৰাপানী আৰক্ষীয়ে অভিযান চলাই AS-06H-2261 নম্বৰৰ এখন ভাৰনা বাহনৰ পৰা ৯ কাৰ্টুন সুৰা জব্দ কৰিবলৈ সক্ষম হয়।
অবৈধভাৱে সুৰা সৰবৰাহ কৰা বাহনখন জব্দ কৰি আৰক্ষীয়ে তদন্ত অব্যাহত ৰাখিছে। গোপন সূত্ৰৰ পম খেদি আৰক্ষীয়ে মেৰাপানী থানাৰ সমীপৰ পৰাই সুৰা কঢ়িওৱা বিলাসী বাহনখন জব্দ কৰে।
জানিব পৰা মতে বিলাতী সুৰাসমূহ নাগালেণ্ডলৈ বুলি গোপনে নিয়াৰ সময়তেই আৰক্ষীৰ জালত পৰে। আৰক্ষীয়ে বাহনখনৰ চালক দুৰ্লভ দাসকো আটক কৰিছে। উল্লেখযোগ্য যে, শেহতীয়াকৈ বিলাসী বাহনেৰে আৰক্ষীৰ চকুত ধুলি দি নাগালেণ্ডলৈ অবৈধভাৱে সুৰা সৰবৰাহৰ ঘটনা বৃদ্ধি পোৱাৰ সময়তে আৰক্ষীৰ জালত পৰিছে অপৰাধী চক্ৰ।
