জামুগুৰিহাটত “জীয়াই আছো বুকুত বান্ধি” শীৰ্ষক গীতৰ শুভমুক্তি

ডিজিটেল সংবাদ, জামুগুৰিহাটঃ জামুগুৰিহাটৰ নিৱাসী অৱসৰী শিক্ষক পুষ্পকান্ত নাথৰ কথা, সুৰ আৰু কণ্ঠত “জীয়াই আছো বুকুত বান্ধি” শীৰ্ষক এটি আধুনিক গীত সোমবাৰে শুভ উন্মোচন কৰা হয়৷ পুষ্প কান্ত নাথৰ বাসগৃহত আয়োজন কৰা এই উন্মোচনী অনুষ্ঠানত গীতটোৰ শুভ উন্মোচন কৰে যুৱ কবি, শিক্ষক চন্দন ভূঞাই ৷ 

শিক্ষক সমাজকৰ্মী জয়ন্ত দাসে আঁতধৰা গীতৰ উন্মোচনী অনুষ্ঠানত জামুগুৰিহাটৰ কেইবাগৰাকী শৈক্ষিক, সামাজিক, সাংস্কৃতিক ক্ষেত্ৰৰ আগশাৰী ব্যক্তিয়ে অংশগ্ৰহণ কৰে৷ গীতটোৰ সংগীত, শব্দৰ সংমিশ্ৰণ কৰে জামুগুৰিহাটৰ উদীয়মান সংগীত শিল্পী পাৰ্থ প্ৰিয়মে৷ মন কৰিবলগীয়া যে, পুষ্পকান্ত নাথে “জীয়াই আছো বুকত বান্ধি ” শীৰ্ষক গীতটোসহ ইতিমধ্যে তিনিটি গীত শ্ৰোতা ৰাইজৰ বাবে মুকলি কৰি দিছে৷ গীতটি শ্ৰোতাই আদৰি লব বুলি আশাবাদী পুষ্পকান্ত নাথ।