ডিজিটেল সংবাদ, শিৱসাগৰঃ নামতি চাৰিআলি গণক আদৰ্শ গাঁৱৰ যুৱ সমাজৰ উদ্যোগত আৰু স্থানীয় ৰাইজৰ সহযোগত বৰুৱা পুখুৰী হাইস্কুল খেলপথাৰত চাৰিদিনীয়া কাৰ্যসূচীৰে অনুষ্ঠিত হোৱা দিবা নৈশ ক্ৰিকেট প্ৰতিযোগিতাৰ চুড়ান্ত খেল খনি দেওবাৰে নিশা অনুষ্ঠিত হয় |
চুড়ান্ত খেল খনৰ শুভ উদ্বোধক হিচাপে উপস্থিত থাকে অসমৰ জনপ্ৰিয় কণ্ঠশিল্পী কুসুম কৈলাশ | চুড়ান্ত খেল খন চানবিৰ একদশ বনাম এচ.জি একাদশৰ মাজত অনুষ্ঠিত হয় | এচ.জি একাদশে বিজয়ীৰ খিতাপ অৰ্জন কৰে | জনপ্ৰিয় কণ্ঠশিল্পী কুসুম কৈলাশে গীত পৰিবেশন কৰাৰ লগতে চুড়ান্ত খেল শুভ উদ্বোধন কৰে |
সেইদৰে অনুষ্ঠানত উদীয়মান কণ্ঠ শিল্পী ধনটি দাসে গীত পৰিবেশন কৰে | বিশিষ্ট অতিথি হিচাপে সাংবাদিক উৎপল বৰা, ইমদাদ আলী, আন্তঃৰাষ্ট্ৰীয় পৰ্যায়ৰ খেলুৱৈ পপী হাজৰিকা, ক্ৰীড়া সংগঠক মুজিদ আলীকে ধৰি বহুগৰাকী বিশিষ্ট ব্যক্তি উপস্থিত থাকে |
