/asomiyapratidin/media/media_files/2025/07/26/ujujd-2025-07-26-09-51-04.jpg)
ডিজিটেল সংবাদ, কামপুৰঃ নগাঁৱৰ পুৰণিগুদাম বৰভেটিত এটি কণ্যাশিশুৰ কলংত পৰি সলিল সমাধি ঘটা ঘটণাই কঠীয়াতলীৰ বৰহোলা অঞ্চলত চাঞ্চল্য সৃষ্টি কৰিছে।ঘটনাৰ বিষয়ে জানিব পৰা মতে মানসিকৰোগী খুড়াকৰ হাতৰ পৰা কলং ত পৰি এটি কণ্যা শিশুৰ সলিল সমাধি ঘটে।
শিশুটি নগাঁও জিলাৰেকঠীয়াতলীৰ বৰহোলাৰ গাঁৱৰ পাঁচবছৰীয়া গৌৰী প্ৰিয়া দাস ।মৃত গৌৰী প্ৰিয়া গৰমবন্ধত পুৰনিগুডামৰ বৰভেটিৰ মোমায়েকৰ ঘৰলৈ ফুৰিবলৈ গৈছিল ।উল্লেখ্য যে গৌৰীৰ খুড়াক স্বাস্থ্য বিভাগত কৰ্মৰত বিকাশ দাস এগৰাকী মানসিক ৰোগী জনা গৈছে ।
২৫ জুলাইৰ পুৱা বিকাশ দাসক চিকিৎসাৰ বাবে তেজপুৰলৈ নিছিল পিতৃ উপেন দাস লগতে বৰপুত্ৰ তথা গৌৰীৰ পিতৃ প্ৰশান্ত দাসে।তেজপুৰৰ পৰা ঘুৰি অহাৰ পথত তিনিও পুৰণিগুডামৰ বৰভেটিৰ গৌৰীৰ মোমায়েকৰ ঘৰত সোমাই।মোমায়কৰ ঘৰত গৌৰীক দেখা পাই খুড়াক বিকাশ দাসে ৰহস্যজনক কাৰনত কোলাত তুলি কলংলৈ লৈ যায়।
কলংত খুড়াকৰ হাতৰ পৰি গৌৰীৰ সলিল সমাধি ঘটে।পিছত স্থানীয় লোকে গৌৰীৰ মৃতদেহটো পানীৰ কলংৰ বুকুৰ পৰা উদ্ধাৰ কৰিবলৈ সক্ষম হয়।ঘটণা সংঘটিত হোৱাৰ পিছতেই বিকাশ দাসে পুৰণিগুদামৰ বৰভেটিৰ পৰা পলায়ন কৰে।নিশা কিশোৰীগৰাকীৰ নিথৰ দেহ বৰহোলাৰ ঘৰ পোৱাৰ পিছতেই ঘৰখনত কান্দোনৰ ৰোল বয়।ইতিমধ্যে আৰক্ষীয়ে বিকাশ দাসক আটক কৰিছে ।