ডিজিটেল সংবাদ বেবেজীয়াঃ ৰাজ্যৰ বিভিন্ন প্ৰান্তত ড্ৰাগছৰ বিৰুদ্ধে অব্যাহত আছে অসম আৰক্ষীৰ অভিযান। এনে অভিযানৰ মাজতে ধাৰাবাহিকভাৱে ভিন্ন প্ৰান্তত উদ্ধাৰ হৈছে ড্ৰাগছকে ধৰি বিভিন্ন নিষিদ্ধ দ্ৰব্য।
আজি বেবেজীয়াত ড্ৰাগছৰ বিৰুদ্ধে এনে এক অভিযান চলাই তিনি সৰবৰাহকাৰীক আটক কৰিবলৈ সক্ষম হৈছে আৰক্ষী। আৰক্ষীয়ে তিনিও ড্ৰাগছ সৰবৰাহকাৰীৰ পৰা জব্দ কৰিছে বুজন পৰিমাণৰ ড্ৰাগছ।
বেবেজীয়াৰ মনজিৎ শৰ্মা নামৰ এজন লোকৰ ঘৰ ভাড়ালৈ লৈ এক চক্ৰই চলাই আহিছিল নিষিদ্ধ ড্ৰাগছৰ বেহা। আৰক্ষীৰ অভিযান কালত জব্দ কৰিছে ৫১ টাকৈ হেৰ'ইন ভৰ্তি কণ্টেইনাৰ।
এক গোপন খবৰৰ ভিত্তিত বেবেজীয়া আৰক্ষী পহৰা চকীৰ আৰক্ষীয়ে চলোৱা এই অভিযানত আটকা হোৱা ড্ৰাগছ সৰবৰাহকাৰী কেইটা হৈছে বিজয় দাস,পাপু বৰা আৰু অনিৰ্বাণ ডেকা।
