ডিজিটেল ডেস্কঃ গৰমৰ বাবে নগাঁৱত বিদ্যালয়সমূহত পাঠদানৰ সময়সূচী সলনি । এই সন্দৰ্ভত নিৰ্দেশনা জাৰি কৰিছে নগাঁও জিলা প্ৰশাসনে । প্ৰাথমিক বিদ্যালয়ৰ শ্ৰেণীসমূহৰ পাঠদান আৰম্ভ হ'ব পুৱা ৭বাজি ৩০ মিনিটৰ পৰা । দুপৰীয়া ১২ বাজি ১৫ বজালৈ চলিব পাঠদান ।
মধ্য ইংৰাজী বিদ্যালয়ৰ পাঠদান চলিব পুৱা ৭বাজি ৩০ মিনিটৰ পৰা দুপৰীয়া ১২বাজি ৪৫ মিনিটলৈ । উচ্চ আৰু উচ্চতৰ মাধ্যমিক বিদ্য়ালয়ৰ পাঠদান পুৱা ৭বাজি ৩০ মিনিটৰ পৰা দুপৰীয়া ১বাজি ১৫ মিনিটলৈ চলিব পাঠদান । তৎকালীনভাৱে কাৰ্যকৰী হোৱাকৈ এই নিৰ্দেশ মানিবলৈ জিলা প্ৰশাসনে জাৰি কৰিছে নিৰ্দেশনা ।
