ডিজিটেল সেৱা,কঠীয়াতলী : নগাঁৱৰ দক্ষিণপাটত সংঘটিত হৈছে টেক্টৰ দুৰ্ঘটনা ৷ নিয়ন্ত্ৰণ হেৰুৱাই পথৰ পৰা পথাৰত বাগৰি পৰিল মালভৰ্তি এখন টেক্টৰ ৷ ফলত থিতাতে নিহত হয় টেক্টৰ চালকজন আৰু এজন আহত হয়।
নিহত চালকজনৰ নাম ৰকিবুল হুছেইন বুলি জানিব পৰা গৈছে ৷ সংকটজনক অৱস্থাত দেৱজিৎ গোঁহাইক চিকিৎসালয়লৈ প্ৰেৰণ কৰা হৈছে ৷ নগাঁৱৰ পৰা হাৰ্ডৱেৰ দোকানৰ মাল কঢ়িয়াই কামপুৰলৈ গৈ আছিল টেক্টৰখনে ৷ ঘটনাস্থলীত আৰক্ষী উপস্থিত হৈ নিহত চালকজনৰ মৃতদেহ মৰণোত্তৰ পৰীক্ষাৰ বাবে নগাঁৱলৈ প্ৰেৰণ কৰিছে ৷
