নগাঁৱৰ কঠীয়াতলীত আৰক্ষীৰ অভিযান।
গোপন সূত্ৰৰ পম খেদি কঠীয়াতলী পহৰাচকীৰ ভাৰপ্ৰাপ্ত বিষয়া ভিকু বৰ্মনৰ নেতৃত্বত চলিছিল এই অভিযান।
অভিযানত ১৫টা চাবোনৰ বাকচত বৃহৎ পৰিমাণৰ ড্ৰাগছ জব্দ।
লগতে ৩জনক আটক কৰিছে আৰক্ষীয়ে।
আটকাধীন লোককেইজন ক্ৰমে মইজুল ইছলাম (কদমনিপথাৰ, জুৰিয়া), দিলদাৰ হুছেইন (জুৰিয়া), মুফাচেল আলম (বালিজান, জুৰিয়া)।
লোককেইজনে এ এছ ০৪ টি ৮৮১৮ নম্বৰৰ এখন বাহনৰে ডিমাপুৰৰ পৰা ড্ৰাগছখিনি কঢ়িয়াই নিছিল।
আৰক্ষীয়ে তিনিওজনৰ সোধা-পোছা অব্যাহত ৰাখিছে।
উল্লেখ্য জব্দ কৰা ড্ৰাগছখিনিৰ মূল্য ১কোটিৰো অধিক হ'ব বুলি জানিবলৈ দিছে আৰক্ষীয়ে।
